МТС Казан, Түбән Кама һәм Чаллы шәһәр фестивальләрендә интернет челтәрен көчәйтте
МТС, цифрлы экосистема, Татарстанның эре шәһәрләрендә элемтәне яхшырту эшен тәмамлады. Нәтиҗәдә, шәһәрләрдә мобиль интернет тизлеге уртача 30% ка, ә челтәрләр сыйдырышлылыгы 28% ка артты. Торак районнардан тыш, челтәрне модернизацияләү Казанда, Чаллыда һәм Түбән Камадагы иҗтимагый киңлекләргә дә кагылды.
МТС техник эшләр үткәрә һәм кешеләрнең күпләп җыела торган урыннарда, шул исәптән актив үсеш алган иҗтимагый киңлекләр территориясендә челтәрне көчәйтә. Республиканың дистәләгән торак пунктларында парклар һәм скверлар, яр буйлары һәм пляжлар, урамнар һәм мәйданнар шәһәр халкын даими җәлеп итү урыннары булып тора. МТС челтәрендә үткәрелгән модернизация татарстанлыларга элемтәдә калырга һәм массакүләм чаралар вакытында, югары йөкләнешләр булганда да, гадәти цифрлы сервислардан уңайлы файдаланырга мөмкинлек бирәчәк.
Әйтик, август ахырында Казанда, Чаллыда, Түбән Камада һәм Татарстанның башка торак пунктларында Республика көне уңаеннан массакүләм чаралар планлаштырылган. Казанда 31 августка кадәр төрле шәһәр мәйданчыкларында чаралар уза: Кабан яр буенда «Печән базары» һәм «Милли кием» заманча татар мәдәнияте фестивале, Аккош күлендә гастрофестиваль, Бауман үзәк җәяүлеләр урамында урам музыкантлары фестивале, «Урам» экстрим-паркында яшьләр өчен фестиваль, Россия йолдызлары белән зур кичке концерт һәм салют. Чаллыда төп чаралар Г.Тукай исемендәге яр буе һәм «Прибрежный» паркы мәйданында. Түбән Кама халкы 26 августта Нефтьчеләр көнен билгеләп үтте, ә 30 августта Республика көнен билгеләп үтәчәк - биредә массакүләм чаралар һәм зур концерт Тынычлык проспектындагы боз шугалак янындагы мәйданчыкта уза. Бу урыннарда кунаклар һәм бәйрәм чараларында катнашучылар яңартылган МТС челтәреннән файдалана алачак.
"Татарстан парклары һәм мәйданнары елдан-ел күбрәк җирле халыкны һәм туристларны җыя. Big Data аналитикасы ярдәмендә без кулланучыларның үсә барган цифрлы ихтыяҗларын билгелибез һәм челтәрне ныгыту кирәк булган урыннарны билгелибез. Бәйрәмнәр һәм массакүләм чаралар вакытында җәмәгать киңлекләрендә челтәргә йөкләнеш дистәләгән тапкыр арта. Челтәрне ныгыту эшләреннән тыш, Без,кирәк булганда, бу урыннарда өстәмә рәвештә күчмә база станцияләре урнаштырабыз. Шуның аркасында, хәтта челтәрдә йөкләнеш арткан очракта да, безнең абонентлар элемтәдә кала, дуслары белән видео яки фотоларны югары сыйфатта бүлешә, сатып алу өчен түли, бәйрәм локацияләренә кадәр маршрутлар төзи яки такси чакырта ала", — дип аңлатма бирде Татарстанда МТС директоры Марат Шакиров.