Интернетта Telegram аккаунтларын урлауның яңа схемасы тарала
Кулланучы балага конкурста ярдәм итүне сорап һәм тавыш бирүгә сылтама белән хәбәр ала. Тавышны исәпкә алу өчен, телефон номерын һәм авторизация кодын раслауны сорыйлар. Чынлыкта, бу аккаунтка керү өчен код.
Алданган кулланучы исеменнән мошенниклар барлык элемтәләренә дә хәбәр җибәрәләр. Шул ук вакытта, һөҗүм итүчеләр болыт паролен урнаштыралар һәм үз почталарын урланган аккаунтка бәйлиләр. Кулланучы аңа керү мөмкинлеген югалта һәм серсүзне дә, аккаунтны да үзгәртә алмый.
МТС Red кибер куркынычсызлык белгечләре мәгълүматларына караганда, мондый схема ярдәмендә йөзләгән аккаунт урланган, ә Идел буе федераль округы халкы ешрак фишинг рассылкалары белән очраша. Һәр кеше «мине һич тә алдый алмыйсыз» дип уйлый. Ләкин уяу булыгыз, кибер-мошенниклардан ничек сакланырга икәнен тагын бер кат өйрәнегез ,өйдәгеләр (аеруча олылар һәм балалар) белән онлайн куркынычсызлык кагыйдәләре турында сөйләшегез.