Татарстан Республикасы авылларда интернетны тоташтыруга иң актив тавыш биргән төбәкләр рәтендә

Бүгенге көндә Татарстан 23,8 меңнән артык тавыш белән онлайн-тавыш бирүдә алда бара. Аннан соң Башкортостан Республикасы, Краснодар крае һәм башкалар. Бөтен Россия буенча иң күп тавыш җыйган 5 торак пункт арасында Әлмәт муниципаль районының Дербеден авылы (1270 тавыш) бар.

Онлайн тавыш бирү 2023 елның 10 сентябренә кадәр озайтылды. Тавыш бирүдә 100дән 500гә кадәр кеше яшәгән барлык торак пунктлар катнаша. 

Татарстанда 18 яшьтән өлкәнрәк булган һәр кеше Россия Федерациясе субъектында урнашкан бер авыл торак пункты өчен үз тавышын бирә ала, ул аның даими яшәү урыны буларак рәсмиләштерелгән булырга тиеш.

Ничек тавыш бирергә:

• Онлайн Дүләт хезмәтләре порталы аша (РФ Дәүләт хезмәтләре порталында расланган хисап язмасы кирәк).
• Цифрлы үсеш, элемтә һәм массакүләм коммуникацияләр министрлыгына 123112, Мәскәү шәһәре, Пресненская яр буе урамы, 10 йорт, 2 төзелмә адресына кәгазь хат белән җибәреп була.

Тавыш бирү нәтиҗәләре буенча Татарстан Республикасының 87 торак пункты билгеләнәчәк, аларда 2024 елда югары тизлекле интернетка мобиль керү тәэмин ителәчәк.

Тавыш бирү «Россия Федерациясенең цифрлы икътисады» илкүләм проекты максатларына ярашлы рәвештә цифрлы тигезсезлекне бетерү программасы буенча гамәлгә ашырыла. 2022-2023 елларда федераль программаны гамәлгә ашыруның ике елында 99 база станциясе урнаштыру планлаштырыла. Хәзерге вакытта республиканың 44 торак пунктында җиһазлар урнаштырылган, ел ахырына кадәр тагын 55 база станциясе урнаштырылачак.