Татарстанда стартаплар реестры эшли башлады

Искәртик, 2023 елның апрель ахырында Татарстан Республикасы Министрлар Кабинеты мәгълүмати-коммуникацион технологияләр өлкәсендә стартаплар реестрын формалаштыру һәм алып бару тәртибен раслады. Әлеге тәртип республикада мәгълүмати-коммуникацион технологияләр өлкәсендә стартаплар реестрын формалаштыру һәм алып бару кагыйдәләрен, реестрга кертү һәм реестрдан чыгару шартларын, аңа кертелгән мәгълүматларның составын, шулай ук реестрдан мәгълүмат бирү тәртибен билгели.

Гаризаларны карау һәм стартаплар реестрын «бердәм тәрәзә» форматында алып бару өчен «Минем субсидияләр» мәгълүмат системасында гариза бирү һәм элемтәдә булу өчен «Стартаплар реестры» бүлеге булдырылган. 

Гариза бирүчегә карата төп таләпләр: 

• Юридик затлар - ИТ-компанияләр (ИПдан кала)
• Эшчәнлекнең төп төре ОКВЭД № 62, 63 кодларына карый.
• Татарстан Республикасы территориясендә оешманы теркәү
• Оешма ЕГРЮЛга 3 ел элек кертелгән булырга тиеш
• Оешма оешканнан бирле аның кереме 1 млн. сумнан артмаган
• Оешма җитәкчесенең хөкем ителмәве турында белешмә (аны әзерләү өчен Дәүләт хезмәтләре порталы аша заказ бирергә мөмкин, әзерләү вакыты 30 көнгә кадәр). 

Бер гаризаны карау вакыты 10 эш көненә кадәр*. 

*Гаризаны карау вакыты, өстәмә материаллар бирү турында гариза җибәргән очракта яки гаризаны эшләп бетерү өчен җибәргән очракта, арттырга мөмкин. 

Татарстан Республикасының стартаплар реестры һәм хокук-танып белү документлары белән «ИТ-парк» ДАУның рәсми сайтында «Документлар» бүлегендә танышырга мөмкин. 

Реестрга ничек керергә икәнен митапта белеп булачак: "Стартаплар реестры нәрсә ул һәм аңа ничек керергә? Стартаплар өчен актуаль ярдәм чаралары". Митап 17августта Б.Рәмиев ис. ИТ-паркның Стартап-хабында үткәрелә. 

Чараның спикерлары: 

Елена Стешина, ярдәм чаралары буенча эксперт, ИТ-парк

• Татарстанның стартаплар реестрына ничек керергә?

• ИТ-бизнес өчен салым ташламалары

Анна Шемановская, "Сколково " фондының төбәк операторы вәкиле

• Ничек Сколково резиденты булырга?

• Сколково резидентлары өчен мөмкинлекләр: грантлар һәм салым ташламалары

Михаил Унтура, «Минем бизнес» үзәгенең социаль өлкә инновацияләре үзәге җитәкчесе

• Эшкуарлар өчен ярдәм чаралары  

Полина Хабриева, Yandex Cloud стартап программалары партнерлык челтәре җитәкчесе

• Yandex Cloud boost программасы үз эченә нәрсә ала һәм Yandex Cloud грант ярдәме кемгә туры килә

• ИТ-парк резидентлары өчен тәкъдим - ничек катнашырга

Чара 17 августта, 11:00 сәгатьтә башланачак.

Үткәрү урыны: Б.Рәмиев ис. ИТ-парк, Стартап-хаб, 2 кат, "Атом" залы

Сылтама буенча теркәлү мәҗбүри (https://it-park-2023.timepad.ru/event/2536641/)

Онлайн трансляция сылтама буенча булачак.

Элемтәләр өчен: 

Стешина Елена, стартаплар реестры кураторы, ярдәм чаралары буенча эксперт, ИТ-парк

 +7 (843) 235 18 95 (эчке номер - 23002)

+7 (900) 325 48 70 (сот.)

e-mail: E.Steshina@tatar.ru

ТК: @стешина_елена