Башлангыч стартапларга үз проектларын ничек үстерергә?
22 май көнне ИТ-паркның Бизнес-инкубаторына резидентлыкка 102нче сайлап алу узачак. Инде 12 ел аның командасы башлангыч стартаперларның идеяләрен гамәлгә ашырырга һәм үстерергә ярдәм итә.
«Инкубатор» ның гомуми инфраструктурасы – 1500 кв.метрдан артык, ул Татарстан Республикасының ике мәйданчыгында уңышлы эшли: Казан шәһәрендә - 2011 елдан, Чаллы шәһәрендә 2012 елдан.
Нигезләнгәннән бирле Бизнес-инкубатор аша Россиядән һәм якын чит илләрдән 10,6 мең гариза үткән, 675 компания резидент статусын алган. 12 ел эчендә резидентлар тарафыннан 4 млрд. инвестиция җәлеп ителгән. Төп бурыч профессиональ мохит һәм мәгълүмат технологияләре өлкәсендә, яңа продуктлар булдыру процессында үсеш һәм мәгълүмат алмашу өчен, максималь уңайлы шартлар булдыру.
Резидентларга компанияне теркәүдә, юридик, бухгалтерлык һәм төрле консультация хезмәтләре күрсәтүдә, укытуда ярдәм күрсәтелә, шулай ук продукцияне базарга алга таба этәрү мөмкинлеге бирелә. Һәр резидент белән проект командасы белән бергә проектны үстерүнең индивидуаль планын төзергә ярдәм итүче белгеч эшли. Өстәмә бонус - шәһәр үзәгендә төзекләндерелгән офис.
Моннан тыш, Бизнес-инкубатор – шулай ук стартапларның потенциаль инвесторлар белән очрашу мәйданчыгы, шул исәптән төрле бизнес-фәрештәләрдән, венчур фондларыннан һәм структураларыннан инвестицияләр.
Анда MVP стадиясендә IT-проектлар һәм 2 елдан да артык эшләмәгән юридик зат белән формалашкан командалар катнаша ала.
2023 елның 19 маена кадәр катнашу өчен гаризалар кабул итү, сораулар бирү һәм барлык җентекле мәгълүматны аларның телеграм-каналында белергә мөмкин: https://t.me/bi_itpark