«Цифрлы дәрес»тә Росатом киләчәтәге квант шәһәрен күрсәтәчәк

2023 елның 5-30 апрелендә Россия мәктәпләрендә «Киләчәк шәһәре: квант технологияләре тормышыбызны ничек үзгәртә» темасына «Цифрлы дәрес» узачак. Стратегик партнер һәм дәреснең эчтәлеген тәэмин итүче «Росатом» дәүләт корпорациясе Россия квант үзәге белән берлектә илнең мәктәп укучылары һәм педагоглары өчен көндәлек тормышта квант исәпләүләрен, коммуникацияләрне һәм сенсорларны куллануга багышланган дәресләр үткәрәчәк.

Табигать фәннәре һәм инженер-техник өлкәләрдәге карьера трегына аерым игътибар биреләчәк: укучыларга квант технологияләре өлкәсендәге яңа белгечлекләр, төп югары уку йортлары һәм әзерлек мөмкинлекләре турында сөйлиләр.

«Цифрлы дәрес» проекты ел саен Россия Мәгариф министрлыгы, Россия Цифрлы үсеш министрлыгы һәм «Цифрлы икътисад» АНО тарафыннан Россиянең әйдәп баручы технология компанияләре белән берлектә «Россия Федерациясенең цифрлы икътисады» илкүләм программасының «Цифрлы икътисад өчен кадрлар» федераль проектына ярдәм итү өчен үткәрелә.

Яңа «Цифрлы дәрес» ике блоктан тора: белем бирү фильмы һәм кече, урта һәм югары сыйныфлар өчен тренажерлар. Фильмның төп герое булачак һөнәрен сайларга җыенучы укучы була. Галимнәр белән бергә ул квант физикасының төп юнәлешләре һәм квант технологияләрен куллану өлкәләре белән таныша. Уен тренажерларын узу барышында укучыларга квант симуляторлары белән эшләү, даруларны адреслы җиткерү һәм квант криптографик ачкычын тапшыру өчен квант сенсорларын куллану буенча биремнәр сериясен хәл итәргә туры киләчәк.

"Яңа «Цифрлы дәрес» янә бик кызыклы форматта узачак. Балалар кызыклы фильм карап, тренажерлар аша кыска вакытка квант физиклары булырга тырышачаклар. Киләчәктә квант физикасы өлкәсендә ачышны нәкъ менә шушы «Цифрлы дәрес»ен үткән укучы ясар дип ышанам, — диде Россия Цифрлы үсеш министрлыгының цифрлы компетенцияләрне үстерү һәм мәгариф департаменты директоры Татьяна Трубникова.