Веб-приложениеләр эшләү өчен интерактив платформалы Казан стартапы Startup Tour 2023 бәйгесендә җиңде
Бәшир Рәмиев исемендәге ИТ-парк мәйданчыгында «Сколково» Фонды оештырган Startup Tour CreativeTECH конкурсының финалистларын билгеләделәр.Гран-при һәм 300 мең сумлык призны Казаннан ясалма интеллектны кулланып челтәр программа продуктларын эшләү өчен интерактив платформа ясаган CRUDERRA стартабы алды.
Платформа техник документацияне тиз арада булдыру һәм аны кодтан автомат рәвештә яңарту өчен төзүчеләр һәм система архитекторлары өчен билгеләнгән. Ул эшне 5 тапкыр тизләтергә мөмкинлек бирә.
Ринат Хәбибуллин, CRUDERRA компаниясенә нигез салучыланың берсе: "Мин төзүчеләр җәмәгатьчелеген яратам һәм бурычларны хәл итү өчен уңайлы корал уйлап табарга теләдем. Һәм, 15 еллык тәҗрибәмә таянып, мин төзүченең башындагы бар нәрсәне чагылдырган системаны булдыра алдым. Startup Tour продуктның кирәклегенә ышаныч бирде. Безгә инде ике инвестиция тәкъдиме килде, ә ике эре компания декабрьгә платформаның тулы версиясен көтә".
Казанда конкурс алтынчы тапкыр узды һәм йөздән артык катнашучыны җыйды. Быел эшмәкәрләр 103 гариза бирде, ярымфиналга Иннополис, Казан, Мәскәү, Йошкар-Ола, Новоуральск, Ижевск һәм башка шәһәрләрдән 20 стартап чыкты.
Конкурс ачылышында Татарстан Республикасы цифрлы үсеш министры Айрат Хәйруллин мәгълүмати технологияләр үсеше креатив кластерга тәэсир итми кала алмый, дип билгеләп үтте.
"IT - дисциплиналар арасындагы вектор. Ул медицинаны да, авыл хуҗалыгын да, гомумән B2B һәм B2C чишелешләрен дә үз эченә ала. Соңгы берничә елда ITга зур ихтыяҗ нәкъ менә иҗади индустрияләр өлкәсендә. Мәсәлән, без генератив сәнгатьнең юнәлеше никадәр нык үсүен күрәбез, бу технологиянең индустрияне ничек үзгәртүен күрәбез".