Татарстан мәктәп укучылары өчен «Цифрлы дәрес» проектын гмәлгә ашыру дәвам итә
22 декабрьдә «Адымнар-Казан» дәүләт автоном гомуми белем бирү учреждениесендә «Тормыш өчен болыт технологияләре» темасына багышланган чираттагы дәрес узды. Ит-паркның сервер инфраструктурасы инженеры Вәлиев Артур Наил улы 8 нче сыйныф укучыларына болыт системаларында хезмәт күрсәтүнең төп модельләре һәм башка мәсьәләләр турында сөйләде.
«Цифрлы дәрес» Россия Федерациясенең «Россия Федерациясенең цифрлы икътисад» илкүләм программасының «Цифрлы икътисад өчен кадрлар» төбәк проекты кысаларында тормышка ашырыла.
Проект укучыларда цифрлы икътисадның төп компетенцияләрен формалаштыруга, шулай ук мәгълүмати технологияләр өлкәсендә балаларның алдан профориентациясен стимуллаштыруга юнәлдерелгән.
«Цифрлы дәрес»ләрдә Татарстан мәктәпләреннән 1-11 сыйныф укучылары икътисад, ИТ-һөнәр тармакларын цифрлаштыру, кибербуллингка каршы тору һәм технологияләргә бәйле башка темалар буенча фикер алышалар. Укучылар өчен дәресләрне ай саен цифрлы трансформация өлкәсендә әйдәп баручы экспертлар үткәрә.