Татарстан укытучылар өчен «Аралашу марафоны» акциясенең икенче этабында җиңде
Сферум мәгълүмати-коммуникацион белем бирү платформасы 2022 елның 1-30 ноябрендә укытучылар өчен «Аралашу марафоны» ның икенче этабында җиңүчеләрне игълан итте. Айның иң актив төбәге дип Татарстан Республикасы танылды. Төбәкнең мәгариф учреждениеләренә 200 Маруся тавыш ярдәмчесе белән акыллы VK мини-колонка биреләчәк.
Акциядә Татарстан Республикасы, Белгород һәм Курск өлкәләре, шулай ук Ханты-Манси автономияле округы педагоглары җиңде. Аларның барысына да бүләккә смартфоннар биреләчәк.
Шулай ук узган конкурс йомгаклары буенча Татарстан Республикасы Алексеевск муниципаль районының Г.С.Боровиков исемендәге 3 нче номерлы урта гомуми белем бирү мәктәбенә белем бирү процессында куллану өчен ноутбук тапшырылачак.
Бүгенге көндә акциянең өченче этабы старт алды, ул 26 декабрьгә кадәр үткәреләчәк.