Цифрлаштыру елы кысаларындагы чараларны гамәлгә ашыру турында Б. Рәмиев исемендәге ИТ-паркта сөйләштеләр
Бүген Бәшир Рәмиев исемендәге ИТ-паркта 2022 елда Татарстан Республикасында Цифрлаштыру елы кысаларындагы чараларны гамәлгә ашыру йомгакларына багышланган 15 нче ведомствоара эш төркеме утырышы булды.
Чарада Россия Федерациясе Федераль Собраниесе Дәүләт Думасы депутатлары Айдар Метшин, Айрат Фәррахов, Руслан Гаджиев, Татарстан Республикасы Дәүләт идарәсенең цифрлы нигездә үстерү, мәгълүмат технологияләре һәм элемтә министры Айрат Хәйруллин һәм башкалар катнашты.
ИТ-тармакның 9 айлык эш нәтиҗәләре турындагы доклад белән Татарстан Республикасының Цифрлы үсеш министры урынбасары Рөстәм Һидиятуллин чыгыш ясады. Дәүләт Думасы депутаты Айрат Фәррахов Бәширә Рәмиев исемендәге ИТ-парк Дәүләт Думасы депутатлары тарафыннан ясалма интеллектны үстерү һәм криптовалютаны легальләштерү өчен законнар базасы турында фикер алышу мәйданчыгы итеп куллану тәкъдиме белән чыкты.
Чара кысаларында кунакларга шулай ук ИТ-парк инфраструктурасы тәкъдим ителде.