ИТ-белгечләрне мобилизациядән кичектереп тору өчен онлайн-сервис ябыла
Россия Федерациясе цифрлы үсеш, элемтә һәм массакүләм коммуникацияләр министрлыгы мәгълүматларына караганда, 16 ноябрьдә ИТ-компанияләр хезмәткәрләре һәм телеком-операторлар өчен РФ Дәүләт хезмәтләре порталында мобилизациядән кичектереп торуга гаризалар бирү формасын ябу планлаштырыла.
Россия Федерациясенең цифрлы үсеш, элемтә һәм массакүләм коммуникацияләр министры Максут Шадаев сүзләренә караганда, повестка алган 5 меңгә якын белгеч кичектерү хокукыннан файдаланган. Барлык мөрәҗәгатьләрнең 50% тан артыгы сервис эшли башлауның беренче атнасында бирелде. 65 ялгыш мобилизацияләнгән ИТ-белгечләр хәрби частьләрдән кайтарылды.
27 сентябрьдә Дәүләт хезмәтләре порталында ИТ-компанияләр хезмәткәрләре өчен өлешчә мобилизациядән кичектерелүгә гаризалар кабул итү буенча сервис эшли башлады. Кичектерүгә хокукны аккредитация узган ИТ-компанияләр, элемтә операторлары һәм медиа хезмәткәрләр ала алды.