ICL компанияләр төркеме бизнес өчен ачык кибер-сессияләр үткәрәчәк

25 ноябрьдә ICL компанияләр төркеме Татарстан Республикасы дәүләт идарәсен цифрлы нигездә үстерү, мәгълүмати технологияләр һәм элемтә министрлыгы ярдәмендә кибер иминлек һәм цифрлы трансформация һәм киберкуркынычсызлыкка кагылышлы актуаль мәсьәләләр буенча фикер алышу өчен Ачык ишекләр көнен үткәрәчәк. Чара ICL КТ экспертлары, ТР Цифрлы үсеш министрлыгы, мәгълүмати куркынычсызлык буенча алдынгы вендорлар һәм бизнес вәкилләрен дискуссияләргә берләштерәчәк.

Очрашулар мәгълүмати куркынычсызлык һәм цифрлы трансформация директорларына, мәгълүмати куркынычсызлык бүлекчәләре җитәкчеләренә файдалы булачак.

Чара кысаларында катнашучылар компанияләрнең ИТ-инфраструктурасының куркынычсызлыгын, сакланган челтәрләрне төзү үзенчәлекләрен, мәгълүмати куркынычсызлыкны мониторинглау үзәгенең эш нәтиҗәлелеген һәм болытларда куркынычсыз эшләүне гарантияләүче заманча системалар турында фикер алышачаклар. Моннан тыш, КриптоПРО, Айдеко, Positive Technologies, Индид кебек гамәлгә ашырылган очраклар һәм мәгълүмати куркынычсызлык вендорларның заманча карарларын җентекләп тикшереләчәк.

ICL OPEN DAY мәйданчыгында шулай ук «Яңа чакырулар алдыннан «коткару боҗрасы» буларак предприятиеләр өчен оператив-тактик адымнар» дигән түгәрәк өстәл узачак. Дискуссия кысаларында предприятиеләргә дәүләт ярдәме чаралары, ИТ үсешенә ресурслар эзләү һәм сакчыл җитештерү үзенчәлекләре буенча темалар кузгатылачак.
Спикерлар докладларыннан һәм турыдан-туры дискуссияләрдән тыш, ICL исәпләү техникасы заводы буенча экскурсия, бүлекчәләрне интерактив рәвештә эшләтеп җибәрү, демо-стендлар һәм индивидуаль очрашулар планлаштырылган.

Чарада катнашу бушлай, ләкин мәҗбүри алдан теркәлү буенча. Урыннар саны чикле.

Чараның мәгълүмати партнерлары - Cyber Media, ITSec.Ru, BIS Journal.