ИТ-компанияләргә салым серен ачуга ризалык бирергә кирәк

Татарстан Республикасының Цифрлы үсеш министрлыгы искәртеп узганча, аккредитация узган ИТ-компанияләргә 31 октябрьгә кадәр Федераль салым хезмәтенә салым серен тәшкил итүче белешмәләрне ачуга ризалык бирергә кирәк.

Кораллы Көчләрнең Генераль штабы карары буенча, мобилизациядән кичектерү аккредитацияләнгән ИТ-оешмалар хезмәткәрләренә генә бирелә.

Федераль салым хезмәтен аккредитацияләүнең яңа тәртибе нигезендә еллык керем күләмен һәм оешмада алынган хезмәт хакларының уртача дәрәҗәсен расларга кирәк. 

Шуңа бәйле рәвештә, аккредитация узган ИТ-компанияләргә 31 октябрьгә кадәр Федераль салым хезмәтенә ризалыкны юлларга кирәк.

Ризалыкны җибәрмәгән оешмалар реестрдан төшереп калдырылачак һәм хезмәткәрләр мобилизациядән кичектерелү хокукыннан мәхрүм ителәчәк. 

Сезнең эш бирүчегез рөхсәтне биргәнме-юкмы икәнен тикшерегез. 

Ничек рөхсәт бирергә:

* салым түләүченең шәхси кабинеты аша;

* электрон документ әйләнеше операторы аша.

Моны ничек эшләргә икәне турында тулырак мәгълүматны инструкциядә табып була.