Мегафон Түбән Камадагы эшчеләр өчен элемтәне яхшырткан
МегаФон Россия нефть химиясе сәнәгатенең иң эре үзәкләренең берсендә элемтә объектларын төзү буенча масштаблы проектны төгәлләде. Нәтиҗәдә, Түбән Кама сәнәгать зонасын LTE челтәре белән каплау мәйданы 4 тапкырга артты һәм 42 км² га җитте.
Шәһәр микрорайоннарыннан җитештерү мәйданчыкларының ерак урнашуы бүлеп бирелгән телекоммуникацион инфраструктура булдыруны таләп итә. Тавыш элемтәсе сыйфатын яхшырту һәм Кама аръягы сәнәгать зонасы территориясендә интернетны 70 Мбит/с кадәр тизләтү өчен, МегаФон өстәмә LTE база станцияләрен эшләтеп җибәрде.
«Без телеком-объектларны төзүне дәвам итәбез - бу чыннан да кирәк булган җирләрдәге объектлар. Түбән Камада челтәрне үстерү дистәләгән мең хезмәткәргә кирәкле цифрлы сервислардан тоткарлыксыз файдаланырга, эш мәсьәләләрен вакытында хәл итәргә һәм туганнары белән элемтәдә калырга мөмкинлек бирде. Ә производстволарда алдынгы технологияләрне гамәлгә кертү өчен мөмкинлекләр барлыкка килде», - дип билгеләп үтте Татарстанда Мегафон директоры Дмитрий Кузнецов.
Челтәрне яңартканнан соң, Түбән Кама предприятиеләрендә бушлай VoLTE (Voice over LTE) технологиясен кулланып шалтыратулар мөмкин булды.