Дәүләт хезмәтләре порталында өлкән сыйныф укучылары өчен программалаштыру курсларына гаризалар кабул итү дәвам итә
Дәүләт хезмәтләре порталы аша 8-11 сыйныф укучылары бушлай ике еллык программалаштыру курсларын үтәргә гариза бирә ала.
Укыту «Цифрлы икътисад» илкүләм проектының «ИТ-тармакның кадрлар потенциалын үстерү» федераль проекты эгидасы астында оештырылган «Киләчәк коды» проекты кысаларында үткәрелә. Белем бирү проекты операторы - Университет 2035.
"Курслар заманча программалаштыру телләрен өйрәнүгә юнәлтелгән. Анда укучылар төп дәүләт имтиханнарына һәм бердәм дәүләт имтиханнарына әзерлек, олимпиадаларда һәм хакатоннарда катнашу өчен кирәк булачак программалаштыру өлкәсендә тирәнтен белем һәм күнекмәләр генә алып калмыйча, булачак һөнәрне дә сайлы алачаклар. 2021-2022 елларда пилот проекты кысаларында Россиянең 10 төбәгеннән 10 меңнән артык мәктәп укучысы бушлай онлайн-программалаштыру курсларын узды инде», – дип билгеләп үтте Россия цифры үсеш министры урынбасары Николай Яцелко.
Курслар 2 ел дәвам итә һәм 144 академик сәгать 4 уку модулен үз эченә ала. Уку нәтиҗәләре буенча сертификат бирелә.
8-11 сыйныф укучылары онлайн һәм офлайн форматта укый ала. Төбәктә көндезге уку өчен мәйданчыкларны проект битендә интерактив картада карарга мөмкин.
Укучы үзе яки аның әти-әнисе яки законлы вәкилләре белем алу өчен гариза бирә ала.