Цифрлы үсеш министры урынбасары Рөстәм Һидиятуллин Саранскида узган «Яшь профессионаллар» X илкүләм чемпионаты финалында булды
2022 елның 8-12 сентябрендә Мордовия Республикасының Саранск шәһәрендә «Яшь профессионаллар»-2022 X илкүләм чемпионаты финалы узды. Чара ел саен «Мәгариф» илкүләм проектының «Яшь профессионаллар (һөнәри белем бирүнең конкуренциягә сәләтен арттыру)» федераль проекты кысаларында үткәрелә. Юбилей чемпионаты гадәттәгечә 16 яшьтән 25 яшькә кадәрге һөнәри белем бирү учреждениеләре студентларын һәм 16 яшькә кадәрге юниорларны җыйды.
Ярышлар «Саранск Арена» спорт комплексы территориясендә узды. Рөстәм Һидиятуллин «1С: Предприятие 8» платформасында бизнес өчен ИТ-чишелешләр» - Юниорлар (14-16)» компетенциясе буенча һәм «Мобиль робототехника» компетенциясе буенча Татарстан Республикасы данын яклаучы балалар белән аралашты.
Татарстан Республикасы финалда 96 конкурсант һәм 74 эксперт тарафыннан 73 компетенциядә (42 «Ворлдскиллс» компетенциясе һәм 31 «Ворлдскиллс юниорлар» компетенциясе) тәкъдим ителде. Ярышлар барлыгы 99 һөнәри компетенция буенча узды, шул исәптән 29 компетенция буенча – көндезге форматта, 70 компетенция буенча – төбәк мәгариф оешмалары базаларында дистанцион форматта.
Шуны да билгеләп үтәргә кирәк, Татарстан Республикасы командасы 14 алтын, 21 көмеш һәм 12 бронза медаль, шулай ук 9 профессиональлек өчен медальон яулады. Җыелма команда 2021/2022 еллардагы «Яшь профессионаллар» чемпионат циклында 111 медаль яулады: 34 алтын, 39 көмеш һәм 38 бронза, шулай ук профессиональлек өчен 55 медаль.