Айрат Хәйруллин Skolkovo Regions конференциясендә чыгыш ясаячак

20 апрельдә «Сколково» инновацион үзәгендә Skolkovo Regions конференциясе узачак. Чарада регионнар хакимиятләре вәкилләре, бизнес, фән һәм инновацион берләшмәләр вәкилләре катнашачак.

Skolkovo Regions - регионнарга инновацион экосистеманы төзү, тәҗрибә уртаклашу, яңа төбәкара элемтәләрне һәм хезмәттәшлекне җайга салудагы актуаль мәсьәләләрне һәм ориентирларны билгеләүдә ярдәм итү өчен дискуссия мәйданчыгы. 

«Регионнарда инновацияләр чыганаклары» флагман сессиясе кысаларында экспертлар импортка бәйлелек, технологик суверенитет һәм өстенлеккә ирешү өчен төбәкләргә кирәкле инструментлар, шулай ук Россиянең фәнни-технологик үсеше һәм яңа партнерлык формалаштыру өлкәсендәге стратегик дәүләт карарларына сизелерлек йогынты ясау мөмкинлекләре турында фикер алышачак.

Дискуссияләр чыгыш ясаячак спикерлар:

• Игорь Дроздов, «Сколково»Фонды Идарәсе Рәисе.
• Ирина Мануйлова, Новосибирск өлкәсе губернаторы урынбасары.
• Константин Сунцов, Удмуртия Республикасы Хөкүмәте Рәисенең беренче урынбасары.
• Айрат Хәйруллин, Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры.
• Иван Чекмарев, Новгород өлкәсе сәнәгать һәм сәүдә министры.
• Павел Черкашин, Mindrock Capital идарәче партнеры һәм аңа нигез салучы.

"Технологик суверенитет һәм илебез ИТ-тармагын үстерү мәсьәләләре ил өчен бик мөһим. «Сколково» ның төбәкләрдә инновацияләр чыганакларына багышланган флагман сессиясе бүген аеруча актуаль — чара Россия Федерациясенең башка субъектларындагы коллегалар белән инновацияләрне үстерү буенча файдалы тәҗрибәләр һәм җиһазлар белән алмашырга, мәгълүматны чагыштырырга һәм яңа шартларда киләчәк эш буенча планнар билгеләргә мөмкинлек бирәчәк», - дип шәрехләде Татарстан Республикасының цифрлы үсеш министры Айрат Хәйруллин.