Бүген РФ Дәүләт хезмәтләрендә ИТ-компанияләр хезмәткәрләре өчен армиядән кичектерүгә гаризалар кабул итү башлана

Армиядән кичектерүгә аккредитацияләнгән ИТ-компанияләр хезмәткәрләре генә дәгъва итә ала.

Эш белән тәэмин итүчеләр 19 апрельдән Дәүләт хезмәтләрендә гариза бирә ала. Алар өчен махсус инструкция эшләнгән.

Хезмәткәрне исемлеккә кертү өчен шартлар:

• РФ гражданлыгы;
• 18дән 27 яшькә кадәр;
• хезмәт килешүе нигезендә эшләү;
• эш көненең нормаль дәвамлылыгы;
• вакытлыча кичектерелүчеләр исемлегеннән белгечлек буенча югары белемле булу;
• хезмәткәр аккредитацияләнгән компанияләрдә 11 айдан да ким булмаган чорда 2021 елның 1 апреленнән 2022 елның 1 апреленә кадәр эшләве яки уку тәмамланганнан соң ел дәвамында эшкә урнашкан булуы.

Формага хезмәткәрләрнең түбәндәге мәгълүматларын кертергә кирәк булачак:

• ФИО;
• туган көне һәм урыны;
• СНИЛС;
• яшәү урыны;
• югары уку йортының исеме һәм чыгарылыш датасы;
• диплом номеры;
• белгечлек;
• аккредитацияләнгән компаниядә эш стажы;
• хезмәткәр исәптә торучы хәрби комиссариат.

Дәүләт хезмәтләрендә гаризалар 1 майга кадәр кабул ителәчәк. 1 июньнән соң чакырылыш комиссиясе кичектерү буенча карарлар кабул итә башлый.