Биометрия дәүләт хезмәтләре порталыннан файдаланучыларның мөмкинлекләрен киңәйтә
РФ Дәүләт хезмәтләре Порталы кулланучылары хезмәтләрне дистанцион рәвештә биометрия ярдәмендә ала алачак, шул ук вакытта булган барлык сервислар да биометрик белешмәләрен тапшырудан баш тарткан кешеләр дә файдалана алачак.
«Биометрия дәүләт хезмәтләрен кулланучыларның мөмкинлекләрен киңәйтә, әмма гамәлдәге сервисларга бернинди чикләүләр дә куймый. Әгәр югары уку йорты студенты имтиханны читтән торып тапшырырга тели икән, аңа биометрияне тапшырырга кирәк булачак – бу шәхесне раслау өчен кирәк. Шул ук вакытта кулланучының югары уку йортына килергә һәм шәхсән имтихан тапшырырга һәрвакыт мөмкинлеге булачак. Теләсә кайсы очракта хезмәт алу вариантын сайлау мөмкинлеге калачак. Биометрияне тапшыру кайбер хезмәтләр күрсәткәндә шәхесне раслау өчен кирәк булачак, бу юридик яктан әһәмиятле алыш-бирешләр ясаганда җинаятьләрне булдырмаска мөмкинлек бирәчәк. Тагын бер кат ассызыклап китәм, гамәлдәге сервисларның барысы да теркәлгән кулланучыларга биометрик үрнәкләрне тапшыру зарурлыгыннан гайре дә мөмкин булып калачак», — дип төгәлләштерде Россия Финанслар министрлыгы башлыгы Мәкъсүт Шадаев.