Татарстан социаль-әһәмиятле хезмәтләрнең 100%ын электрон форматка күчерде
Татарстан Республикасы гражданнарына күрсәтелә торган региональ һәм муниципаль дәрәҗәдәге 76 массакүләм социаль-әһәмиятле хезмәт онлайн режимда күрсәтелә башлады.
Исегезгә төшерәбез, Россия Президенты Владимир Путин Хөкүмәткә 2022 ел ахырына кадәр барлык социаль әһәмиятле хезмәтләрне электрон форматка күчерүне йөкләде.
«Татарстан барлык төбәк һәм муниципаль массакүләм социаль-әһәмиятле хезмәтләрне электрон форматка күчерде һәм ил Президенты куйган бурычны бер елдан алда үтәде, - дип билгеләп үтте Татарстанның цифрлы үсеш министры Айрат Хәйруллин. - 2022 ел республикада цифрлаштыру елы дип игълан ителде, һәм безнең өчен республикада яшәүчеләр бу хезмәтләрне 2022 ел башыннан ук электрон рәвештә ала алсыннар иде».
Сүз Татарстанның социаль яклау һәм мәшгульлек министрлыгы, ТР сәламәтлек саклау министрлыгы, ТР Мәгариф һәм фән министрлыгы, ТР Транспорт һәм юл хуҗалыгы министрлыгы, Урман хуҗалыгы министрлыгы, Мәдәни мирас объектларын саклау комитеты, төзелеш, архитектура һәм торак-коммуналь хуҗалык министрлыгы һәм башка ведомстволар хезмәтләре турында бара.
Бүген электрон рәвештә күрсәтелә торган иң популяр социаль-әһәмиятле хезмәтләр булып тора:
- гражданны социаль хезмәт күрсәтүгә мохтаҗ дип тану,
- аз керемле гаиләдән балага пособие билгеләү,
- торак урыннары һәм коммуналь хезмәтләр өчен түләүгә субсидияләр бирү,
- күпбалалы гаиләнең статусын билгеләү,
- РФ Архив фонды һәм башка архив документлары нигезендә физик һәм юридик затларны мәгълүмат белән тәэмин итү,
- индивидуаль торак төзелеше яисә бакча йорты параметрларын планлаштырыла торган төзү турында хәбәрнамәдә күрсәтелгән параметрларга туры килү-килмәү турында хәбәрнамәне җибәрү,
- җир кишәрлегенең шәһәр төзелеше планын бирү,
- адресны бирү, адресны үзгәртү һәм юкка чыгару,
- территориянең кадастр планында җир кишәрлегенең яки җир кишәрлекләренең урнашу схемасын раслау,
- хуҗалык үзләштерелергә тиешле җир кишәрлегендә мәдәни мирас объектларының булу-булмавы турында һәм аны планлаштырылган җирләрдән файдалану режимнарына һәм мәдәни мирас объектларын саклау зоналарында шәһәр төзелеше регламентларына туры килү-килмәве турында бәяләмә бирү.