Беренче интернет-мәйданчыклар авторизацияне ЕСИА аша башлап җибәрде
Саннар министрлыгы бизнес өчен электрон хөкүмәт инфраструктурасын куллану мөмкинлекләрен киңәйтә. Дәүләт хезмәтләре порталыннан файдаланучылар, бердәм идентификация һәм аутентификация системасын (ЕСИА) кулланып, коммерцияле мәйданчыкларда юридик яктан әһәмиятле гамәлләр кылу мөмкинлегенә ия булдылар.
2022 елның 1 июленә кадәр дәвам итәчәк сынау проекты кысаларында ЕСИА аша керү мөмкинлеге беренче чиратта hh.ru, Авто.ру һәм ЦИАН кебек ресурслардан файдаланучыларга ачык булды. Якын арада аларга Авито-Петербург сату компаниясе, «Кати» күчемсез милек эзләү сервисы һәм башкалар кушылачак. Хәзерге вакытта проектка барлыгы 12 сайт һәм кушымта эше өчен җаваплы ун компания кушылды. Саннар министрлыгы бизнес-мәйданчыклар белән үзара бәйләнешнең максатчан моделен һәм архитектурасын эшләде.
Якланган дәүләт мәгълүмат системасы базасында физик һәм юридик затларның үзара хезмәттәшлеге схемасы (ЕСИА) булганда, гражданнар мәгълүматлары дәүләт яклавында калачак, ә кулланучы нинди сервисны, нинди күләмдә һәм нинди максатлар өчен үзе турында мәгълүмат бирергә әзер булуын, шулай ук шәхси мәгълүматларны эшкәртүгә хокукны кире алу теләген үзе хәл итә алачак.
Экспериментны үткәрү тәртибе Россия Федерациясе Хөкүмәтенең 2021 елның 27 мартындагы 453 номерлы карары белән билгеләнгән.
Юридик затлар, шәхси эшмәкәрләр һәм гражданнар экспериментта ирекле рәвештә катнашалар. Экспериментның уңай нәтиҗәләре булган очракта, ЕСИГА тоташтыру мөмкинлеге башка коммерция ресурсларына да таралырга мөмкин.