Татарстанның КФҮндә өлкән яшьтәге кешеләрне цифрлы күнекмәләргә өйрәтү буенча акция старт алды
Бүгенге көннән 8 октябрьгә кадәр Татарстан Республикасында КФҮ офисларында ел саен үткәрелә торган Өлкәннәр көненә багышланган «Сезнең турында кайгырту белән» акциясе узачак.
КФҮ белгечләре РФ һәм ТР Дәүләт хезмәтләре порталларында, Россия Пенсия фонды, Федераль салым хезмәте һәм башка сайтларда «Шәхси кабинет» ны ничек булдырырга кирәклеген аңлатачаклар һәм күрсәтәчәкләр.
Өлкән яшьтәге кешеләрне торак-коммуналь хезмәтләр өчен дистанцион рәвештә түләргә, табибка язылырга өйрәтәчәкләр, пенсионерларга тиешле ташламалар турында сөйләячәкләр. Шулай ук электрон чират талонын алырга ярдәм итәчәкләр, кирәк булганда күп функцияле үзәкләрдә күрсәтелә торган хезмәтләрне алу тәртибен аңлатачаклар.
Укулар «Минем документлар» офисларын кабул итү залларында урнаштырылган кунак Компьютерларында бушлай үткәреләчәк.
Күп кенә хезмәтләрне электрон рәвештә алу өчен ЕСИА да хисап язмасы кирәк. Аны алырга теләгән өлкән яшьтәге кешеләргә хезмәт өстенлекле тәртиптә күрсәтеләчәк.
Акция Татарстан Республикасында КФҮнең барлык 60 филиалында узачак. Офисларның эш графигы буенча теләсә кайсы уңайлы вакытта мөрәҗәгать итәргә була.