Рөстәм Миңнеханов Татарстан сәнәгатен цифрлаштыру буенча утырыш уздырды
Утырышны Татарстан Премьер-министры Алексей Песошин ачты.
"Билгеле бер казанышларга ия булып, безнең сәнәгатьнең, гомумән алганда, предприятиеләрнең цифрлы үсеше өчен зур потенциалы бар. Безгә хәрәкәт итәргә урын бар. Һәм безгә бу юнәлештә актив һәм планлы эш алып барырга кирәк", – диде Алексей Песошин.
Ул ассызыклаганча, республикада предприятиеләрне цифрлы трансформация белән нәтиҗәле тәэмин итү өчен, тармак үзенчәлеген исәпкә алып, төбәк һәм муниципаль дәрәҗәләрдә комплекслы һәм эзлекле чаралар күрергә кирәк. Сәнәгать тармакларын цифрлы трансформацияләү предприятиеләрнең үзләре һәм хезмәткәрләрнең тиешле компетенцияләреннән башка мөмкин түгел", - дип ассызыклады Татарстан Республикасы Министрлар Кабинеты башлыгы.
Алексей Песошин билгеләп үткәнчә, Татарстанда цифрлаштыру мәсьәләләрендә «Татнефть», «ТАИФ», «КАМАЗ» кебек сәнәгать предприятиеләре иң алдынгы һәм әзерлекле булып тора. Бу предприятиеләр цифрлы пространствоны системалы һәм нәтиҗәле үзләштерәләр.
Предприятиеләрне цифрлаштыру һәм Татарстан Республикасы предприятиеләренең цифрлы трансформациягә әзерлеген тикшерү нәтиҗәләре турында профильле компанияләр вәкилләре чыгыш ясады.
Татарстан Республикасы предприятиеләренең цифрлы трансформациягә әзерлеген тикшерүне Strategy Partners Group идарәче партнеры Александр Идрисов тәкъдим итте.
«Калашников» концерны» АҖ идарәче директоры Алексей Тенсин предприятиеләр эшчәнлегенең югары финанс күрсәткечләренә ирешү инструменты буларак санлы технологияләр турында сөйләде.
«Хайер» индустриаль паркы территориясендә «акыллы завод» концепциясе һәм «Хайер» компаниясенең Яр Чаллыдагы эше турында «Хайер Фридж РУС» ҖЧҖнең сыйфат системаларын тәэмин итү һәм үстерү директоры Сергей Седых сөйләде. Ул компаниянең барлык производстволары цифрлаштыру казанышларын кулланып эшли, дип искәртте. Бүгенге көндә, аерым алганда, 1 млн 200 меңнән артык суыткыч чыгарылган.
Fort Ross Ventures фондына нигез салучы Виктор Орловский 2021-2035 технологик һәм бизнес трендларын тәкъдим итте, шулай ук венчур капиталының һәм хәзерге икътисадта стартапларның роле турында сөйләде.
"Позитив Технолоджис" генераль директоры Юрий Максимов сәнәгать предприятиеләренең киберкуркынычсызлыгы турында сөйләде.
Татарстан Президенты Рөстәм Миңнеханов йомгаклау сүзендә билгеләп үткәнчә, сәнәгатьне цифрлаштыру – барысы өчен дә актуаль тема. Ул ассызыклаганча, хакимият органнарында цифрлаштыру өлкәсендә эш системалы рәвештә алып барыла икән, күп кенә предприятиеләр – бу юл башында ук.
Әгәр без заманча таләпләргә җавап бирмәсәк, көндәшлеккә сәләтсез калачакбыз, дип белдерде Рөстәм Миңнеханов. Шул ук вакытта ул билгеләп үткәнчә, тулаем алганда, Татарстан, төбәк буларак, цифрлаштыру өлкәсендә тәҗрибә уртаклашу һәм сөйләү мөмкинлеге бар. «Без кәрәзле телефоннар булмаган вакытта яшәдек, аннары «Блекберри», Nokia... күп кенә компанияләр үзләре өчен дөрес юнәлеш тапмадылар. Бүген предприятиеләрне цифрлаштыру өчен барысын да эшләү мөһим-максималь ярдәм күрсәтү мөһим".
Рөстәм Миңнеханов шулай ук ассызыклаганча, киберкуркынычсызлык юнәлешенә аерым игътибар бирергә кирәк.
Татарстан Президенты сүзләренә караганда, регионга цифрлаштыру өлешендә эшләргә кирәк. Ул Татарстан Республикасы предприятиеләренең цифрлы трансформациягә әзерлеген тикшерү нәтиҗәләрен китерде (тикшеренүне Strategy Partners Group компаниясе үткәрде). Тикшеренү нигезендә, республика предприятиеләренең цифрлы трансформациягә әзерлеге 5 баллдан 2,7 баллга бәяләнә.