Ясалма интеллект өлкәсендә стартапларга ярдәм итү буенча яңа конкурслар башланды
Инновацияләргә ярдәм фонды (ФСИ) «Старт-1–ИИ», «Старт–2–ИИ» һәм «Үсеш» программалары буенча ИТ–проектларны сайлап алу башлануын игълан итте. Конкурслар «Цифрлы икътисад» милли программасының «Ясалма интеллект» федераль проектын гамәлгә ашыру кысаларында үткәрелә.
Конкурсларда кешенең когнитив функцияләрен имитацияләргә һәм конкрет нәтиҗәләр алырга мөмкинлек бирә торган карарлар эшләүче технологик командалар катнаша ала. Гаризалар сайтта кабул ителә – https://online.fasie.ru/.
Конкурста җиңүчеләр 4 млн.сумга кадәр («Старт-ИИ-1»), 8 млн. сумга кадәр («Старт-ИИ-2»), 20 млн. сумга кадәр («Россия үсеше») ярдәм һәм финанслау алачак. Алынган акчаларны алар команданы киңәйтүгә, тышкы экспертларны җәлеп итүгә, дата-сетлар сатып алуга һәм болытлы сервисларны арендалауга юнәлдерә алачаклар.
Конкурсларга түбәндәге юнәлешләр буенча проектлар белән мөрәҗәгать итәргә мөмкин:
- компьютер күзләре;
- табигый тел эшкәртү;
- сөйләмне тану һәм синтезлау;
- карарлар кабул итүгә ярдәм итү өчен интеллектуаль системалар;
- ясалма интеллектның перспектив ысуллары.
Гаризаларны сайлап алганда тәкъдим ителә торган карарларның яңалыгы һәм нәтиҗәлелеге, гамәлгә кертү һәм коммерциячел гамәлгә ашыру перспективалары бәяләнәчәк.
«Цифрлы икътисад» илкүләм проекты кысаларында 2024 елга кадәр 569 кече предприятиегә һәм 66 Ачык китапханә эшләп чыгаручы коллективка ярдәм итү планлаштырыла. 2024 ел ахырына кадәр ясалма интеллект өлкәсендә эшләүче 580 команда акселерация программасын узачак. 2024 елга кадәр грант ярдәме өчен федераль бюджеттан 7 млрд. сумга якын акча бүлеп бирелгән.
Конкурслар турында тулырак ФСИ рәсми сайтында белергә мөмкин: https://fasie.ru/