«Цифрлы Һөнәрләр» проекты буенча укуга язылу өчен программалар каталогы ачылды
«Цифрлы һөнәрләр» федераль проектына теркәлү дәвам итә, аның кысаларында халык дәүләт финанс ярдәме белән өстәмә һөнәри белем ала ала. Тәкъдим ителгән каталогтан уку программасын сайлап алырга мөмкин – https://цифровыепрофессии.рф/.
«Цифрлы һөнәрләр» проектына Урта һөнәри белеменнән дә ким булмаган хезмәт яшендәге гражданнар кушыла ала. Укулар онлайн-форматта уза һәм Россиянең барлык төбәкләрендә яшәүчеләр өчен ачык. 2021 елда Цифрлы компетенцияләрне 25 меңнән дә ким булмаган россияле үзләштерер дип көтелә.
Укыту материалны тирәнтен өйрәнүне күздә тота: программаның дәвамлылыгы 250 академик сәгатьтән башлана, шуларның 144 сәгатьтән дә ким булмаган өлеше программалаштыруга багышланган. Бу вакыт эчендә тыңлаучылар яңа ИТ-һөнәрнең кирәкле материалларын үзләштерә алачаклар.
Шуны да билгеләп үтәргә кирәк, укуга язылу 15 июльдән соң «Программалар каталогы» бүлегендә теркәлгән катнашучылар өчен ачык булачак. Программа кысаларында барлыгы 24 актуаль юнәлеш буенча курслар оештырылачак, алар арасында ясалма интеллект, блокчейн, киберкуркынычсызлык, мобиль кушымталар һәм компьютер уеннары бар.
Хәзерге вакытта проектның операторлары булачак беренче белем бирү оешмалары билгеләнгән инде. Россиянең 19 компаниясе арасында, 3се - Татарстан оешмалары. Ә нәкъ менә:
* Иннополис Университеты;
• МТИ белем бирү компетенцияләре үзәге;
• АйТи академиясе.
Проект операторларын сайлау дәвам итә. Катнашырга теләгән белем бирү оешмалары үз гаризаларын https://profidigital.ru/programs сайтында калдыра алалар.
Моннан тыш, проект кысаларында ИТ-рекрутерлар һәм бизнес вәкилләре: Сбер, Mail.Ru, Яндекс һәм башка компанияләр вәкилләре белән онлайн-очрашулар узачак. Спикерлар Россиядә ИТ-өлкәләрдә мөмкин булган карьера траекторияләре турында сөйләячәкләр. «Иттә карьераны ничек башларга: үсеш траекториясен корабыз» дигән беренче очрашу 16 июльдә 11:00 сәгатьтә узачак. Теркәлү сылтама буенча - https://leader-id.ru/events/215767.
Исегезгә төшерәбез, «Цифрлы һөнәрләр» программасы «Цифрлы икътисад» милли проекты кысаларында тормышка ашырыла. 2019-2020 елларда, программа ярдәмендә, 42 000 кеше үз тормышын алмаштырды.
Программа турында тулырак мәгълүматны https://цифровыепрофессии.рф/ сайтында яки 8 (800) 505 20 35 телефон номеры буенча белергә мөмкин.