122 кайнар линиягә республика халкыннан 274 мең шалтырату килгән
Коронавирус йогышы мәсьәләләре буенча модернизацияләнгән кайнар линия эшли башлаганнан бирле 122 (2020 елның ноябре) контакт-үзәккә консультация сорап 273 972 татарстанлы мөрәҗәгать итте.
Көн саен 122 шалтырату линиясенә халыктан 1 500 шалтырату килә. Җавапны көтүнең уртача вакыты 6 секунд тәшкил итә. Барлыгы халыкка сменага 65 оператор консультация бирә.
Татарстанлылар ешрак контакт-үзәккә COVID-19 симптомнары барлыкка килгән очракта, табибны өйгә чакыртырга, шулай ук табибка кабул итүгә яки вакцинациягә язылуны сорыйлар. Сөйләшүнең уртача вакыты - 2,5 минут.
Исегезгә төшерәбез, быелның гыйнварыннан халык COVID-19га каршы вакцинациягә 122 кайнар линия аша языла ала. Шушы вакыт эчендә бу мөмкинлектән 10 142 кеше файдаланган. Көн саен вакцинациягә республиканың 65 кешесе языла.