Айрат Хәйруллин «Минем тавышым» форумында катнашты
Татарстан Республикасы Милли китапханәсе мәйданчыгында «Минем тавышым» исемле сайлаучылар форумы узды. Очрашуның темасы: «Сайлаулар - 2021: сайлаучының уңайлылыгы өчен курс». Форум ТР Үзәк сайлау комиссиясенең Онлайн-каналында трансляцияләнде.
Форумның чакырылган экспертлары булдылар:
- Александр Малькевич, РФ Иҗтимагый палатасының мәгълүмати җәмгыятьне, ММЧ һәм массакүләм коммуникацияләрне үстерү комиссиясе рәисенең беренче урынбасары, Дистанцион Электрон тавыш бирүне Иҗтимагый күзәтү буенча эшче төркем җитәкчесе, "Санкт-Петербург" телеканалы генераль директоры»;
- Андрей Цепелев, "Диалог" компетенцияләр үсеше үзәге җитәкчесе;
- Айрат Хәйруллин, Татарстан Республикасының Цифрлы үсеш министры;
- Андрей Кондратьев, Татарстан Республикасы Үзәк сайлау комиссиясе рәисе;
- Владимир Кутилов, интернет-технологлар ассоциациясенә нигез салучы, РАСО әгъзасы, «Волга» эксперт клубы модераторы;
- Камилла Хафизова, блогер һәм башкалар.
Модератор булып Россия Дәүләт Думасы депутаты Олег Морозов чыгыш ясады.
Форумда катнашучылар һәм экспертлар, шулай ук дистанцион форматка тоташтырылган халык сайлаучылар белән аралашуның гадәти формаларының ничек үзгәрүе турында фикер алыштылар.
Аерым алганда, Айрат Хәйруллин гомуми цифрлаштыру сайлау системасына да нык йогынты ясавын билгеләп үтте. Массакүләм «санга» һәм онлайн-коммуникацияләргә күчү сайлауларны халык өчен уңайлы һәм уңайлырак итәргә ярдәм итә, ә процесс үзе объективрак.
Исегезгә төшерәбез, «Минем тавыш» сайлаучылар форумы – сайлау процессында катнашучылар: сайлаучылар, сайлау комиссияләре әгъзалары, иҗтимагый оешмалар һәм иҗтимагый фикер лидерлары өчен даими эшләүче дискуссия мәйданчыгы. Сессия вакытында чакырылган экспертлар республика халкы белән бергә электрон процессларны үстерү турында фикер алышалар.