Айрат Хәйруллин "Сколково" Халыкара гимназиясе делегациясе белән очрашты

2021 елның 26 марты, җомга

Татарстанның цифрлы үсеш министры Айрат Хәйруллин «Сколково» Халыкара гимназиясе директоры Оксана Демьяненко белән эшлекле очрашу үткәрде, анда коллегалар мәгарифтә актуаль цифрлы процесслар турында фикер алыштылар.

Киңәшмәдә шулай ук югары технологияләр өлкәсендә «ИТ-парк» технопаркы директоры Александр Борисов, КЦК-КТИТС директоры Юрий Багров, «Сколково» гимназиясенең цифрлы белем бирү буенча директор урынбасары Мария Коссе, гимназиянең административ-хокук хезмәте җитәкчесе Александра Скрыпник һәм Директор ярдәмчесе Светлана Олейникова катнашты.

Очрашуда катнашучылар заманча мәктәп укучыларында цифрлы компетенцияләрне үстерү мәсьәләләрен күтәрделәр. Айрат Хәйруллин билгеләп үткәнчә, бүгенге көндә цифрлы кадрлар әзерләү республиканың өстенлекле юнәлешләреннән берсе булып тора, ә мәктәп елларыннан ИТ-компетенцияләргә аерым игътибар бирелә. Мисал өчен, КФҮ-КТИТС базасында «IT-cube» эшли, анда укучылар файдалы цифрлы күнекмәләрне бушлай үзләштерә ала, шулай ук Татарстанда «Кванториум» балалар технопарклары һәм «Яндекс. Лицей» мәйданчыклары ачылды.

Үз чиратында Оксана Демьяненко цифрлы ведомстводагы хезмәттәшләрен «Сколково» Халыкара гимназиясе эшчәнлеге белән таныштырды, аларда укыту процессы ничек оештырылуы һәм аларның укытуда нинди принциплар тотылуы турында сөйләде.

Исегезгә төшерәбез, «Сколково» инновацион үзәгенең халыкара гимназиясе 2015 елда ачылды. Биредә уку көндезге, көндезге-читтән торып һәм читтән торып алып барыла.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International