Көн саен 163кә кадәр кеше COVID-19дан 122 кайнар линиясе буенча вакцинациягә языла

Гыйнвар уртасыннан башлап республика халкы COVID-19дан 122нче Бердәм кайнар линия номеры һәм Татарстан Дәүләт хезмәтләре Порталы аша вакцинациягә языла ала. Бүгенге көндә контакт-үзәк операторлары вакцинациягә 5 691 гариза кабул иткән инде.

Әйтергә кирәк, көн саен 122 кайнар линиягә коронавирус йогышы мәсьәләләре буенча татарстанлылардан 1 100гә якын мөрәҗәгать килә. Шуларның 163е - вакцинациягә язылу.

Шул ук вакытта яңартылган контакт-үзәк эшли башлаганнан бирле операторлар 93 меңгә якын шалтырату эшкәрткән инде. Шул ук вакытта җавапны көтүнең уртача вакыты 6 секунд тәшкил итә, ә оператор белән сөйләшү 2,5 минут чамасы дәвам итә.

Бүгенге көндә, гомумән алганда, коронавирус мәсьәләләре буенча 68 оператор консультация бирә, шулай ук Лилия телефон роботы. Еш кына татарстанлылар авыруның беренче симптомнары вакытында гамәлләр тәртибе турында сорыйлар, табибка язылалар яки табибны өйгә чакырталар, вакцинациягә языла һ. б.

Моннан тыш, исегезгә төшерәбез, татарстанлылар COVID-19дан вакцинациягә Татарстан Дәүләт хезмәтләре Порталы аша языла алалар. Республика Порталы аша Прививкага ничек язылырга мөмкин.

Татарстанда барлыгы 54 меңгә якын кеше вакцинация узды.