Айрат Хәйруллин республикада телемедицина үсеше буенча киңәшмәдә катнашты
Хөкүмәт Йортында Татарстан Президенты Рөстәм Миңнеханов «Доктор ряд Холдинг» ҖЧҖ Директорлар советы рәисе Леонид Меламед белән очрашты. Анда шулай ук республиканың Цифрлы үсеш министры Айрат Хәйруллин, Премьер-министр урынбасары Ләйлә Фазлыева һәм сәламәтлек саклау министры Марат Садыйков катнашты.
"Доктор янәшәдә" - Россия базарында телемедицина хезмәтләрен тәкъдим иткән беренче медицина оешмасы. Бүген аның мөмкинлекләреннән 5,8 млн. нан артык кеше файдалана.
Яклар сәламәтлек саклау өлкәсендә, шул исәптән телемедицина ярдәмен үстерү өлкәсендә хезмәттәшлек перспективалары турында фикер алыштылар.
Очрашуда Леонид Меламед республика җитәкчелегенә республика хастаханәләрендә телемедицина технологияләрен сынау проектын һәм Татарстанда бердәм медицина үзәген ачу буенча планнарны тәкъдим итте.
Исегезгә төшерәбез, 2018 елдан башлап Әлмәттә телемедицина үзәге – «Ок, Доктор» цифрлы сырхауханә эшли. Үзәкнең пациентлары, шәһәрдән чыкмыйча гына, квалификацияле Россия табибларының оператив консультациясен алалар. Ә табиблар пациентларның торышын онлайн күзәтеп, дарулар кабул итү турында искәртә һ.б.