COVID-19 буенча кыска кайнар линия номеры эшли башлады

27 ноябрь 2020 ел., җомга

Татарстанлылар 122 номеры буенча коронавирус йогышы буенча консультация алу өчен контакт-үзәк белән элемтәгә керә алалар. 8 800 222-59-00 элеккеге номеры шулай ук эшләвен дәвам итә.

COVID-19 буенча модернизацияләнгән кайнар линия республикада өченче көн эшли. Көн саен контакт-үзәк операторлары республика халкыннан 600дән артык шалтырату эшкәртә. Уртача көтү вакыты 11 секундтан артмый.

Татарстанлылар ешрак контакт-үзәккә коронавируска тестларның әзерлеге турында сораулар белән мөрәҗәгать итә, мондый тестларны кайда тапшыра алалар, авырулар белән аралашканнан соң үзләрен ничек тотарга кирәклеге белән кызыксыналар һ. б.

Татарстанлыларга телефон роботы Лилия дә консультация бирергә булыша. Хәзер ул 60тан артык сорауга оператив рәвештә җавап бирә ала. Сораулар исемлеге киңәйтеләчәк.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International