Бәйрәм көннәрендә почта һәм КФҮ эш режимындагы үзгәрешләр
Халык бердәмлеге көнен - 4 ноябрь һәм Татарстан Республикасы Конституциясе көнен - 6 ноябрь бәйрәм итү уңаеннан КФҮ һәм Россия Почтасы бүлекләренең эш графигы үзгәрде.
Әйтик, «Минем документлар»ның барлык филиалларында бәйрәм алды көннәрендә, 3 һәм 5 ноябрьдә эш көне озынлыгы бер сәгатькә кыскартылачак.
3 ноябрь
Казандагы бүлекләр: Заречный, Яңа Савин, Мәскәү, Көньяк, Совет, Дәрвишләр, Юдино һәм Авиатөзелеш бүлекләре 8:00 дән 17:00 гә кадәр эшләячәк. Идел буе, Идел буе бүлегенең өстәмә офисы (в.Кулагин ур., 1 йорт), «Салават Күпере» ТКда бүлек - 8:00 дән 19:00 гә кадәр.
Яшел Үзән, Түбән Кама, Әлмәт, Яр Чаллы, Чистай, Нурлат, Бөгелмә, Лениногорск, Азнакай, Зәй, Алабугада КФҮ, шулай ук Тукай районында 8:00 дән 19:00 гә кадәр ачык булачак.
Район филиалларында эш көне 3 ноябрь көнне 18: 00 сәгатькә кадәр дәвам итәчәк.
5 ноябрь
Казандагы бүлекләр: Мәскәү, Көньяк, Совет, Дәрвишләр, Юдино, Авиатөзелеш, «Салават Күпере» ТКда бүлек, Идел буе, Идел буе бүлегенең өстәмә офисы (в.Кулагин ур., 1 йорт) 8:00 сәгатьтән 17:00 сәгатькә кадәр эшләячәк. Заречный, Яңа Савин бүлекләре - 8: 00 дән 19:00 гә кадәр.
Яшел Үзән, Түбән Кама, Әлмәт, Яр Чаллы, Чистай, Нурлат, Бөгелмә, Лениногорск, Азнакай, Зәй, Алабугада КФҮ, шулай ук Тукай районында 8:00 дән 17:00 гә кадәр ачык булачак.
Район филиалларында эш көне 5 ноябрь көнне 16:00 сәгатькә кадәр дәвам итәчәк.
4 һәм 6 ноябрь көннәрендә «Минем документлар» офислары өчен ял көннәре булачак.
Россия Почтасы шулай ук элемтә бүлекләренең эш режимындагы үзгәрешләр турында хәбәр итә.
4 ноябрь Россия Почтасы Татарстан бүлекчәләре өчен ял көне дип игълан ителде. Бәйрәм алды көнендә, 3 ноябрьдә, почта бүлекләре бер сәгатькә иртәрәк ябыла.
Җомга көнне, 6 ноябрьдә, Татарстан Республикасы Конституциясе Көнендә, почта элемтәсе бүлекләре эшләмәячәк.
Бүлекләрнең эш графигын төгәлләштерергә яки картада якын арада ачык почта бүлекчәсен Россия Почтасының мобиль кушымтасында яки pochta.ru сайтында табарга мөмкин.