Компанияләргә «санга» 20 дән 300 млн сумга кадәр грантлар алу турында сөйләячәкләр
Бүген 11:00 сәгатьтә ZOOM платформасында "Цифрлы карарлар кертүче ИТ-эшләнмәләргә һәм компанияләргә грант ярдәмен ничек алырга?" ачык вебинары узачак. Эшмәкәрләр белән онлайн-очрашуны Россия цифрлы үсеш министры урынбасары Максим Паршин үткәрәчәк.
Вебинарда шулай ук ярдәм чаралары операторлары: «Сколково» Фонды, мәгълүмати технологияләрне үстерү буенча Россия фонды һәм инновацияләргә ярдәм фонды вәкилләре катнашачак.
Чарага сылтама буенча кушылырга мөмкин -https://us02web.zoom.us/j/85456544275.
Исегезгә төшерәбез, сентябрьдә цифрлы технологияләрне үстерүче компанияләргә ярдәм итүгә юнәлдерелгән берьюлы дүрт грант конкурсы старт алды. Гомумән алганда, быел Россия Федерациясе Финанс министрлыгы грантларына 7,1 млрд. сум бүлеп бирәчәк.
Әйтик, стартаплар - 20 млн.сумга кадәр, ә эшләүче компанияләр 300 млн. сумга кадәр грантлар алачак. 80 млн. сумга кадәр грантларга цифрлы карарлар кертүче компанияләр аерым дәгъва итә ала. Моннан тыш, алар цифрлы трансформация өчен өстәмә рәвештә 300 млн.сумга кадәр грантларга исәп тота ала.
Грант ярдәме турында тулырак мәгълүматны түбәндәге сайтта табарга мөмкин - https://ит-гранты.рф/.