9 октябрь - Бөтендөнья почта көне
Бөтендөнья почта көне ел саен 9 октябрьдә билгеләп үтелә, бәйрәм БМО бөтендөнья һәм халыкара көннәре системасына керә, Татарстан почтачылары әлеге әһәмиятле бәйрәмнән читтә калмады.
Нәкъ менә шул көнне 1874 елда Швейцария башкаласы Бернеда Бөтендөнья почта берлегенә (ВПС) нигез салына. Нигез салучы 22 илнең берсе - Россия.
Бөтен дөньяда 650 меңгә якын почта бүлеге бар, аларда 5,3 миллионнан артык хезмәткәр эшли. Почта бүлекләре дөньяның иң ерак төбәкләрендә - Тын океан утрауларыннан Төньяк полюска кадәр бар.
«Бу бәйрәм көнендә барлык почта хезмәткәрләренә көндәлек хезмәтләре һәм үз һөнәрләренә тугрылыклары өчен зур рәхмәтемне җиткерәм. Нык сәламәтлек, уңышлар, гаилә иминлеге һәм иртәгәсе көнгә ышаныч телим! Шулай ук почта хезмәткәрләрен Бөтендөнья почта көне белән «Россия Почтасы» АҖ «Татарстан почтасы» ФПС директоры Регина Кузнецова котлады.
Бөтендөнья почта көнен Татарстан Республикасында да ел саен билгеләп үтәләр. 5 октябрьдән 11 октябрьгә кадәр Казан шәһәренең Кремль урамы буенча урнашкан почта элемтәсе үзәк бүлегендә почта җибәрүләрен махсус штемпель белән сүтү һәм «Халыкара хат атнасы» дип язылган почта конвертларын сату бара. Филиалистлар һәм барлык теләүчеләр истәлекле штемпельне теләсә нинди почта продукциясенә бушлай куя алалар, шул рәвешле бу бәйрәм чарасында катнашуларын билгеләп үтә.