Татарстанның цифрлы үсеш министры Айрат Хәйруллин «Саннар дәресе»н туры эфирда үткәрәчәк

2020 елның 24 сентябре, пәнҗешәмбе

Бүген Татарстанның цифрлы үсеш министры Айрат Хәйруллин КЦК-КТИТС студентлары өчен ясалма интеллектка һәм машина белән укытуга багышланган санлы дәрес үткәрәчәк. Теләге булган һәркем дәрескә кушыла ала: дәреснең турыдан-туры трансляциясе Министрлык сайтында һәм техникум сайтында 14:15 сәгатьтә башлана - https://www.mck-ktits.ru/.

Дәрес кысаларында Цифрлы ведомство башлыгы балаларны ясалма интеллект технологияләре белән таныштырачак һәм аларның кайда һәм ничек кулланылулары турында сөйләячәк. Моннан тыш, Айрат Хәйруллин укучылар белән югары технологияләр өлкәсендә карьераны нәрсәдән башларга кирәклеге һәм ИТ-тармакта белгеч булу өчен нинди компетенцияләр һәм күнекмәләр кирәклеге турында сөйләшәчәк.

Балалар шулай ук үзләрен кызыксындырган сорауларны Цифрлы үсеш министрына да бирә алачаклар.

Безгә 14:15 сәгатьтә кушылыгыз!

"Саннар дәресе" - Бөтенроссия Белем бирү акциясе ул, ул укучыларга алдынгы технологик компанияләрдән белем алырга һәм санлы икътисадның күнекмәләрен һәм компетенцияләрен үстерергә ярдәм итә. 2020/2021 уку елы дәвамында шундый 5 дәрес үткәреләчәк: «Ясалма интеллект һәм машина белән укыту», «Социаль челтәрләр», «Киберкуркынычсызлык», «Пилотсыз транспорт» һәм «Цифрлы җитештерү».

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International