Татарстан һәм «Россия Почтасы» республикада Бонд зонасын булдыру турында килештеләр
Татарстанга эш сәфәре кысаларында «Россия Почтасы» генераль директоры Максим Акимов Татарстан Республикасы Президенты Рөстәм Миңнеханов белән очрашты. Очрашу барышында Татарстанда Бонд зонасын булдыру турында Карар кабул ителде. Иннополиста узган чараларда Татарстанның цифрлы үсеш министры Айрат Хәйруллин да катнашты.
Яклар «Россия почтасы» белән Татарстан арасындагы киләчәк хезмәттәшлек перспективалары, шул исәптән республика территориясендә фонд зонасын булдыру һәм электрон коммерция өлкәсен үстерү турында фикер алыштылар. Интернет-мәйданчык аша сатыла торган товарларны саклау һәм бүлү өчен яңа таможня склады 1 ноябрьдә үк эшли башлаячак.
Очрашу нәтиҗәләре буенча Рөстәм Миңнеханов һәм Максим Акимов Татарстан Республикасы Хөкүмәте һәм «Россия Почтасы» АҖ арасында хезмәттәшлек ниятләре турында килешүгә кул куйдылар. Шулай ук «Россия Почтасы» АҖ һәм Иннополис Университеты арасында хезмәттәшлек турында килешү имзаланды. Әлеге документ кысаларында яклар уртак фәнни-тикшеренү һәм инновацион проектлар эшләү һәм үстерү белән шөгыльләнәчәк.
Татарстан Президенты билгеләп үткәнчә, "Россия Почтасы" - Татарстанның күптәнге стратегик партнеры. Бүген республикада 9,6 мең хезмәткәрне берләштерүче 111 почта элемтәсе бүлеге эшли.
Максим Акимов, үз чиратында, «Россия Почтасы», иң эре почта-логистика компаниясе буларак, илнең алдынгы регионнарының берсе булган Татарстан белән хезмәттәшлекне үстерү белән кызыксына, дип ассызыклады. «Без монда инвестицияләргә һәм яңа уртак проектларны үстерергә әзер», - дип өстәде ул.
Рөстәм Миңнеханов шулай ук «Россия Почтасы»на 15 КамАЗ тапшыруда катнашты. 2020-2022 еллар дәвамында почта компаниясенә 500 дән артык йөк автомобиле тапшыру планлаштырыла.