50+ яшьтәге татарстанлылар IT-компетенцияләрне бушлай үзләштерә алалар
Халыкара компетенцияләр үзәге – Казан мәгълүмати технологияләр һәм элемтә техникумы базасында пенсия алды яшендәге гражданнарны цифрлы компетенцияләргә өйрәтү дәвам итә. 2019 елда гына да ИТ-технологияләр өлкәсендә республиканың 353 кешесе яңа белемнәр һәм күнекмәләр алды.
50+ яшь категориясе гражданнарын түләүсез укыту «Өлкән буын» федераль проектын гамәлгә ашыру кысаларында уза. 2020 ел башыннан бирле белем бирү программасын 161 кеше тыңлады инде. Гомумән алганда, агымдагы ел ахырына кадәр 300 татарстанлы яңа компетенцияләргә өйрәтәчәк.
КФҮ-КТИТСта уку WorldSkills сертификацияләнгән экспертлары тарафыннан алып барыла. Тыңлаучылар арасында түбәндәге юнәлешләр аеруча популяр булып тора:
- «Мобиль робототехника»;
- «Видеопроизводство»;
- «Веб-дизайн һәм эшләү»;
- «График дизайн»;
- «Бизнес өчен программа чишелешләре".
"Өлкән буын" программасы ярдәмендә пенсия алды яшендәге, күпьеллык кыйммәтле стажлы гражданнар мөмкин:
- хезмәт эшчәнлеген элеккегечә дә, яңа эш урынында да дәвам итәргә;
- яңа җиһазлар, технологияләр, программа чаралары белән эшләргә;
- квалификация разрядын, классны, категорияне булган һөнәр нигезендә белем дәрәҗәсен үзгәртмичә генә алырга.
Укулар тәмамланганнан соң барлык тыңлаучыларга дәүләт үрнәгендәге квалификация күтәрү турында таныклыклар бирелә.
Укуга язылу түбәндәге сайтта алып барыла: www.50plus.worldskills.ru. Программа буенча консультацияне 8 (843) 203-55-55 телефоны аша алырга мөмкин.