«Цифрлы алгарыш» IT-марафоны 12 меңнән артык катнашучыны җыя
«Цифрлы алга китеш» Бөтенроссия конкурсы иң эре IT-марафонны башлап җибәрә, анда бөтен илдән 12 меңнән артык кеше катнашыр дип көтелә.
"Цифрлы алга китеш" - цифрлы икътисад өлкәсендә цифрлы продуктларны эшләү һәм гамәлгә кертүгә сәләтле IT-белгечләргә ярдәм итүгә юнәлдерелгән масштаблы команда ярышы. Конкурс «Россия – мөмкинлекләр иле» Президент платформасының флагман проектларының берсе булып тора.
IT-марафон кысаларында берничә чара уздырылачак: инде формалаштырылган командалар өчен онлайн-чемпионат һәм ике виртуаль хакатон (хакатон#1; хакатон#2).
Хакатон#1 5 июньнән 7 июньгә кадәр; хакатон#2 - 19 июньнән 21 июньгә кадәр узачак. Һәр 36 сәгатьлек онлайн-хакатонда 3-5 кешелек 200 команда катнаша ала. Бурычлар 5 юнәлеш буенча тәкъдим ителәчәк.
Моннан тыш, ай дәвамында, 25 июньнән 25 июльгә кадәр платформада Mail.ru Group шәхси катнашучылар өчен онлайн-чемпионат башлап җибәреләчәк. Теләге булган һәр кеше проектның партнерларыннан тәкъдим ителгән бурычларның берсен хәл итә ала, алар зур күләмдәге мәгълүматларны эшкәртү белән бәйле булачак.
IT-марафонның приз фонды 5 000 000 сум тәшкил итә. Җиңүчеләр шулай ук «Цифрлы алга китеш» конкурсы финалына чакыру алачак. Марафонда катнашу өчен конкурсның рәсми сайтында теркәлү узарга кирәк - цифрлы алгарыш.рф.