Startup Village Livestream '20 конференциясе бөтен дөньядан 15 мең катнашучыны җыячак

2020 елның 13 мае, чәршәмбе

"Сколково" фондына нигез салынганнан соң, юбилей елында Startup Village Livestream '20 иң зур технологик виртуаль онлайн-конференциясе узачак. Елның төп бушлай IT-вакыйгасы 21 һәм 22 майда булачак.

Яңа технологияләр ярдәмендә барлык катнашучылар да иң кызыклы лекцияләр һәм сессияләр сайлап ала һәм карый, онлайн менторлар һәм инвесторлар белән очраша, ә спикерлар дөньяның теләсә кайсы почмагыннан бер-берсе белән реаль вакыт режимында аралаша алачаклар.

Виртуаль мәйданчык технологияләр өлкәсендә 300гә якын дөнья экспертын, шулай ук 1 меңнән артык инвесторны җыячак. Конференция кысаларында 80 илдән 4,5 меңгә якын стартап үз проектын тәкъдим итү генә түгел, инвесторлар һәм бизнес-партнерлар табу мөмкинлеге дә алачак.

200гә якын стартап шулай ук Startup Bazaar-проектларның виртуаль интерактив күргәзмәсендә катнашачак, аның кысаларында яшь командалар прототиптан алып әзер продуктка кадәр булган перспектив Россия технологик эшләнмәләрен тәкъдим итәчәкләр.

Елның иң зур түләүсез технологик конференциясендә катнашучыларга, стартапларга һәм экспонентларга теркәлү өчен чара сайтында кыска форма тутырырга кирәк.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International