"Россия почтасы" AliExpress Plus посылкаларын өйгә бушлай китерәчәк
"Россия Почтасы" һәм "AliExpress Россия" AliExpress Plus яңа сервис клиентларына почта бүлекчәсеннән посылкалар бушлай китерү турында килештеләр.
«Россия Почтасы»ның өйгә бушлай илтүе белән сайтта һәм AliExpress кушымтасында Plus билгесе булган товарлар сатып алганда файдаланырга була. Йортка башка юлламаларны китерү билгеләнгән тарифлар буенча башкарылачак, аларны «Россия Почтасы» сайтында табарга мөмкин.
AliExpress Plus түләүсез китерү сервисы 15 апрельдә тест режимында эшли башлады. Бушлай илтеп җиткерүдән тыш, ул товарларны ике көннән алып 15 көнгә кадәр китереп җиткерүнең гарантияләнгән срокларын үз эченә ала.
"Россия Почтасы" һәм AliExpress – Россиядә илтеп җиткерү өлкәсендә төп партнерлар, дип билгеләп үтә "Почта". AliExpress посылкалары Кытайдан эшкәртелә һәм «Россия Почтасы»на җибәрелә. "Россия Почтасы" күләмендә - 40% ка якын. Компанияләр хезмәттәшлеге тарихында Россиягә якынча бер миллиард посылка китерелде.
Моннан тыш, «Россия Почтасы» клиентлары компаниянең цифрлы сервисларыннан ешрак файдалана башлады. Казанда почта җибәрүләрен өйгә китерүгә ихтыяҗ ун тапкыр арткан. Бу хакта «Татарстан Почтасы» ФПС матбугат хезмәте хәбәр итә.
30 марттан 3 апрельгә кадәр россиялеләр кәрәзле кушымтада һәм почта операторы сайтында бүлектән моңа кадәр ике атна калгач, 25 тапкыр күбрәк гариза рәсмиләштергән.
Март ахырында «Россия Почтасы» яңа типтагы Covid-19 коронавирус инфекциясе таралу сәбәпле, 2 кг.нан артык массалы посылкалар китерү бәясен ике тапкыр киметте һәм өйгә почта бүлекчәләреннән җибәрелә торган юлламалар исемлеген киңәйтте.
Почта операторы сайтында да, мобиль кушымтада да Россиялеләр өйгә посылкалар һәм вак пакетлар китерүгә заказ бирә, EMS рәсмиләштерү өчен курьер чакырта, подписка рәсмиләштерә, дәүләт органнары белән юридик яктан әһәмиятле хат алып бара һәм ТКХ хезмәтләре өчен түли ала.
Коронавирус пандемиясе шартларында "Россия Почтасы" хезмәткәрләрнең һәм клиентларның сәламәтлеген сакларга омтыла. Персоналның хәлен бүлек башлыклары контрольдә тота. Клиентлар белән элемтәдә торучы хезмәткәрләр шәхси саклану чаралары белән тәэмин ителгән.