Worldskills Kazan 2019 дөнья чемпионатыннан 1000нән артык открытка җибәрелде

2019 елның 27 августы, сишәмбе

«Казан Экспо» Халыкара күргәзмә үзәгендә узган Worldskills Kazan 2019 һөнәри осталык буенча 45 нче дөнья чемпионатында теләге булган һәркем Россия Почтасына килеп, дөньяның теләсә кайсы почмагына открытка җибәрә алды.

Ярышлар барган көннәрдә бу почта мәйданыннан 1000нән артык открытка җибәрелгән, шуларның 200 гә якыны чит илләргә - Германия, Казахстан, Һиндстан, Финляндия һәм Тайваньга таралган. Калган почта җибәрүләре алучыларны Россиянең төрле почмакларында сөендерәчәк.

Шуны да билгеләп үтәргә кирәк, Россия Почтасы дөнья чемпионатын үткәрүгә Worldskills Kazan 2019 – Алтын һәм Алмаз талисманнары төшерелгән беренче көн конверты һәм махсус почта штемпеле чыгарды.