Инвалидлыгы булган тагын 18 татарстанлы ИТ-тармакта эш таба алачак
18 июль көнне ИТ-паркта inIT мөмкинлекләре чикләнгән кешеләр өчен белем бирү курсларын тыңлаучыларның өченче чыгарылыш кичәсе узачак. Проектның инициаторы - Югары технологияләр өлкәсендәге «ИТ-парк» технопаркы, «Интеграция» региональ инвалидлар иҗтимагый оешмасы белән берлектә, Global Shapers Сommunity Казан бүлеге ярдәмендә.
Булачак чыгарылыш кичәсендә 18 студент «Web-эшләү» һәм «Компьютер белеме» курслары буенча үзләренең ИТ-проектларын тәкъдим итәчәк һәм квалификация күтәрү турында таныклыклар алачак.
InIT проекты физик мөмкинлекләре чикләнгән кешеләр өчен ИТ-өлкәнең үтемлелеген арттыруга юнәлдерелгән социаль-белем бирү инициативасы булып тора. Проект кысаларында белем алу бушлай булып тора.
InIT проектының өченче этабы «Президент грантлары Фонды» ярдәме һәм Татарстан Республикасы бюджетыннан субсидияләр ярдәмендә мөмкин булды. Исегезгә төшерәбез, 2017 елда «PHPДА программалаштыру» программасы буенча беренче этапны Казанда 18 укучы тәмамлады, тагын 10 кеше Яр Чаллыда 2018 елда «Web-программирование» юнәлеше буенча икенче этап узды.
Татарстанда инвалидлыгы булган 100 меңнән артык кеше яши, аларның 30% ы эш белән тәэмин ителгән. InIT кысаларында алынган белем һәм күнекмәләр укучыларга ИТ-тармакка эшкә урнашырга, үзмәшгуль булырга яки үз стартап-проектын башлап җибәрергә ярдәм итәчәк.
«Чыгарылыш кичәсе» 18 июль көнне 10:00 сәгатьтә түбәндәге адрес буенча узачак: Казан шәһәре, Петербург урамы, 52 йорт, конференц-зал. ММЧ вәкилләрен аккредитацияләү 17 июльгә кадәр электрон почта аша уза: A.Vildanov@tatar.ru.
Фото: ИТ-парк матбугат хезмәте