Татарстанның кайбер районнарында телепрограммалар өзелеп торырга мөмкин

2019 елның 9 июле, сишәмбе

Татарстан Республикасы Мәгълүматлаштыру һәм элемтә министрлыгы «Татарстан Республикасы Мәгълүматлаштыру һәм элемтә үзәге» РТРС филиаллары объектларында план буенча ремонт эшләре турында хәбәр итә.

Баулы совхозында бүген 9:00 дән 15:00 сәгатькә кадәр программалар өзелеп торырга мөмкин.

Шулай ук Чаллы шәһәре телеүзәгендә профилактик эшләр үткәрү белән бәйле рәвештә, 9-11 июль көннәрендә 8:00 сәгатьтән 18:00гә кадәр Яр Чаллыда, Тукай, Менделеевск, Әгерҗе, Актаныш, Минзәлә, Мөслим һәм Сарман районнарында программалар өзелергә мөмкин.

Татарстан Республикасы Мәгълүматлаштыру һәм элемтә министрлыгы үткәрелә торган эшләргә аңлау белән карауларын сорый.