Татарстан яшьләре «іВолга» форумында катнаша ала
23-31 июль көннәрендә Самара өлкәсендә Идел буе федераль округының «іВолга» яшьләр форумы узачак. Бу яшьләргә үз проектын тормышка ашыру өчен 300 мең сумга кадәр күләмдә грант алу мөмкинлеге. Форумның гомуми грант фонды - 10 миллион сумнан артык.
Быел яшьләр форумы заманча яшьләр үсешенең бөтен өлкәләрен колачлаячак. Катнашучылар ун профильле сменаның берсен сайлап алачак: «Фән һәм киләчәк мәгарифе», «Агрополис», «Инфодгам», «Мәдәни БУМ!» , «Илнең яшьләр командасы», «Илнең җиңүе - буыннар горурлыгы», «Хезмәт шәп!» , «Син – эшмәкәр», «PROспорт», «iVolga International», анда үз проектын «кысрыклый» алачаклар.
Форумда Идел буе федераль округы территориясендә яшәүче 18-30 яшьлек яшьләр катнаша ала,
ә «Фән һәм киләчәк мәгарифе» федераль сменада - бөтен ил яшьләре. «Волга 2.0»дә катнашу өчен 9 июньгә кадәр www.ivolgaforum.ru сайтында теркәлергә кирәк бер үк вакытта «Россия яшьләре» АИСы чарасына заявка бирү дә каралган http://grant.myrosmol.ru/grants/157/.
Самара өлкәсе губернаторы администрациясе һәм Самара өлкәсе Хөкүмәте РФ Президентының Идел буе федераль округындагы Тулы вәкаләтле вәкиле аппараты һәм яшьләр эшләре буенча Федераль агентлык ярдәме белән оештырылган форумны оештыручылар булып тора. Форумның төп максаты - яшьләрнең үз-үзен тормышка ашыруга ярдәм итү, аның һөнәри дәрәҗәсен күтәрү, яшьләрдә патриотлык һәм инновацион фикерләү күнекмәләрен формалаштыру, кеше капиталын арттыру.
Элемтә өчен җаваплы зат - Нәфис Сираҗетдинов, Татарстан Республикасы делегациясе җитәкчесе, тел.: +7 (960) 084-21-33.