Казанда 135 яшь IT-чемпионны бүләкләделәр
Бүген Казанда мәктәп укучылары арасында «IT-чемпион» республика конкурсының икенче этабының 135 иң яхшы катнашучысын бүләкләү тантанасы узды, аны Татарстан Республикасы Мәгълүматлаштыру һәм элемтә министрлыгы һәм Татарстан Республикасы Мәгариф һәм фән Министрлыгы оештырды.
Ике этапның гомуми зачетында «IT-чемпион» бөтен республикадан 120 меңнән артык конкурсант катнашты. Балалар ата-аналарны һәм башка өлкән туганнарын ТР Дәүләт хезмәтләре порталындагы хезмәтләрне дөрес һәм тиз итеп алырга өйрәттеләр, ә аннары алар башкарган һәр транзакция өчен баллар эшләделәр. Бер балага баллар җыярга ярдәм итүче өлкән кешеләр саны чикләнмәгән.
Нәтиҗәдә, Татарстан буенча беренче булып Кайбыч районы Иске Чәчкап төп гомуми белем бирү мәктәбенең 8 сыйныф укучысы Ильвир Ибраһимов танылды. Ул пенсионерларга квитанцияләр һәм Татарстан Дәүләт хезмәтләре Порталы аша салым түләүдә ярдәм итеп 11 меңнән артык приз бал җыйган.
Бүләкләү тантанасына Татарстанның һәр районыннан һәм шәһәр округыннан өчәр җиңүче чакырылган иде. Барлык балаларга да бүләк сыйфатында смартфоннар тапшырдылар. Шулай ук укучылар һәм аларның ата-аналары өчен шәһәрнең иҗат коллективлары чыгыш ясады.