Татарстан Республикасында «Кайнау ноктасы - Казан» ачылды
Бүген югары технологияләр өлкәсендәге «ИТ-парк» технопаркында Татарстан Республикасында беренче «Кайнау ноктасы» – инновацион проектлар эшләү өчен мәйданчык ачылды. «Кайнау нокталары - Казан» эшчәнлегенең төп юнәлешләре «цифрлы трансформация», «тотрыклы үсеш» һәм «халыкара кооперация», ә төп бурыч - төбәкнең чимал булмаган экспорт потенциалын үстерү.
«Кайнау ноктасы»н ачу тантанасында Татарстан Республикасы Президенты Рөстәм Миңнеханов, цифрлы һәм технологик үсеш мәсьәләләре буенча Россия Федерациясе Президентының махсус вәкиле Дмитрий Песков, «Яшь профессионал (Ворлдскиллс Россия)» һөнәри бергәлекләрне һәм эшче кадрларны үстерү агентлыгы» союзы генераль директоры Роберт Уразов, Татарстан Республикасы Премьер-министры урынбасары - Татарстан Республикасы Мәгълүматлаштыру һәм элемтә министры Роман Шәйхетдинов, Татарстан Республикасы икътисад министры урынбасары Индира Киреева катнашты.
Рөстәм Миңнеханов билгеләп үткәнчә,"Кайнау ноктасы - Казан" актуаль мәсьәләләрне хәл итүгә креатив якын килү өчен мөһим интеллектуаль киңлеккә әвереләчәк. "Һәркем үзен таба ала торган структуралар безнең бөтен җирдә булырга тиеш", - дип ассызыклады ул.
Дмитрий Песков, үз чиратында, Татарстан иң яхшы тәҗрибәләр чыганагы булып тора, дип билгеләп үтте һәм цифрлы хезмәтләр һәм технологияләр экспортын үстерүнең мөһимлеген ассызыклады.
"Кайнау ноктасы" коллектив эше форматы төрле командалар һәм бергәлек лидерлары белән аралашуны, аларның Татарстан Республикасында инновацион проектларны булдыру һәм алга җибәрү өчен белем бирү, фәнни, социаль һәм бизнес-проектларда хезмәттәшлеген оештыруны күздә тота.
Ачылыш тантанасы кысаларында берничә килешү имзаланды:
- «Кайнау ноктасы - Казан» күмәк эш киңлеген оештыру һәм үстерү кысаларында хезмәттәшлек турында: «Платформа НТИ» АКБО һәм «ИТ-парк» ДАУ;
- «Кайнау нокталары - Казан»: «ИТ-парк» ДАУ һәм «Иннополис» МИЗ эшчәнлеген оештыру һәм көн тәртибен үстерү буенча уртак эш турында»;
- «Инглиз телен белү» компетенциясенә ярдәм итү турында: «Платформа НТИ» АКБО, Түгәрәк хәрәкәте Ассоциациясе һәм Skyeng.
23-24 майда «Кайнау ноктасы - Казан» күмәк эш киңлеген ачу кысаларында чаралар сериясен: мастер-класслар, лекцияләр, панель дискуссияләр, семинарлар, хакатон, эшлекле уен һәм башкаларны сата.
Белешмә
"Кайнату нокталары" төбәкләрдә Стратегик инициативалар агентлыгы (СИА) йөкләмәсе буенча Милли технологик инициатива кысаларында"Платформа НТИ" АКБО ярдәмендә оештырыла. Киңлекләр галимнәр, бизнесменнар һәм технологик эшкуарлар, дәүләт хезмәткәрләре, иҗтимагый оешмалар әгъзалары һәм һөнәри бергәлекләр, студентлар өчен билгеләнгән. "Кайнау нокталарында" алар тәҗрибә, эшчәнлек нәтиҗәләре белән уртаклаша, үсешнең яңа модельләрен бергәләп эшкәртә алалар. Хәзерге вакытта "Кайнау нокталары" Мәскәүдә, Санкт-Петербургта, Ивановта, Петрозаводскида, Новосибирскида һәм башка шәһәрләрдә эшли. Казанда "ИТ-Парк" ДАУ базасында 25 нче «Кайнау ноктасы» ачылачак.
"Кайнату нокталары" киңлеге төркем эшенә исәпләнгән. Бу үзенчәлеге проектның идеядән алып аны тормышка ашыруга кадәр тулы циклын үткәрергә мөмкинлек бирә. Сөйләшүләр, коридорлар һәм заллар – технологик эшкуарларның - җитештерүнең уникаль технологияләре хуҗаларының, яңа карарлар чыгаручы тикшеренүчеләрнең һәм лидерларның очрашу урыны.
СИА - икътисадый һәм социаль өлкәләрдә чаралар комплексын гамәлгә ашыру өчен Россия Хөкүмәте тарафыннан оештырылган коммерцияле булмаган оешма. Аерым алганда, өстенлекле проектларны алга этәрү, Россиядә эшмәкәрлек мохитен яхшырту һәм профессиональ кадрларны үстерү буенча чараларны гамәлгә ашыру өчен.
"НТИ платформасы" - милли технологик инициативаны үстерүгә һәм популярлаштыруга ярдәм итү өчен Россия Федерациясе Хөкүмәте күрсәтмәсе буенча СИА һәм Россия Федерациясе Фән һәм югары белем министрлыгы тарафыннан оештырылган коммерцияле булмаган оешма. Аерым алганда, һөнәри бергәлекләрне үстерү, дәүләт органнарының, коммерция һәм коммерцияле булмаган оешмаларның, гражданнарның, фән һәм технологияләр үсеше, мәгарифне камилләштерү өлкәсендә эш төркемнәренең үзара хезмәттәшлеге нәтиҗәлелеген арттыру өчен.
Татарстанда "Кайнау ноктасы" ТР Мәгълүматлаштыру һәм элемтә министрлыгы, ТР Икътисад министрлыгы һәм югары технологияләр өлкәсендәге «ИТ-парк» технопаркы ярдәмендә ачыла.
Фото: ТР Президенты матбугат хезмәте