Казан гаилә пары энергетика өлкәсендә ИТ-хакатонның җиңүчесе булды
Шушы көннәрдә Казанда EnergyHack хакатоны узды, аның приз фонды 350 мең сумны тәшкил итте. Анда катнашучыларга кыска вакыт эчендә электр челтәрләренә тоташтыру буенча хезмәтләр башкаручыларны эзләү һәм сайлау өчен онлайн-мәйданчык эшләргә кирәк иде.
Хакатонда Казан, Иннополис, Яр Чаллы, Самара һәм Ульяновсктан 60тан артык яшь эшләүче катнашты. IT һәм энергетика тармагы экспертлары тарафыннан финал сайлап алуга бары тик 11 команда гына узды.
Хакатон шартлары буенча, команда тарафыннан эшләнгән карар челтәр компанияләрендә кулланыла торган программа белән тәэмин ителешкә интеграцияләнергә, шулай ук әлеге тармактагы законнарны исәпкә алырга тиеш иде.
Нәтиҗәдә, беренче һәм икенче урынны Казан һәм Самара гаилә пары алды. Казан EnergyCrew катнашучыларының тәкъдиме иң төгәл һәм эшләнелгән булып чыкты. Самара командасы - Frontguys-оештыручыларның барлык теләкләрен исәпкә алды. Өченче урынны Яр Чаллы командасы – Umplace алды.
Экспертлар тагын дүрт команданы билгеләп үттеләр – IntrovertLabs, Complete Solution, Web8 һәм IT.net. Алар шулай ук бүләкләү тантанасына чакырылган иде. Хакатон EnergyHack җиңүчеләре һәм номинантлары 12 нче апрельдә «Казан Экспо» Халыкара күргәзмә үзәгендә энергетика, энергия нәтиҗәлелеге һәм ресурсларны саклау буенча «ТЭФ-2019» конференциясе кысаларында үз проектларын яклаячаклар.
Фото: Digital SuperHero