КФУның IT-лицее укучылары Бөтенроссия конкурсында үзләренең 3D-проектларын тәкъдим иттеләр
Төмәндә 3D-модельләштерү һәм 3D-басма буенча "ВЗДумай" IV Бөтенроссия конкурсы тәмамланды. КФУның IT-лицееннан Кадамов Шамил һәм Юдин Данилның иҗади проектлары «3D-традицияләр» махсус бүләгенә лаек булды.
Мәктәп укучылары, студентлар, галимнәр һәм укытучылар «Инженерия», «Робот техникасы», «Төзелеш», «Медицина», «Мода», «Сәнгать һәм музей эше», «Көнкүреш декоры һәм предметлары», «Уенчыклар» номинацияләрендә үз көчләрен сынап карадылар.
Конкурсның турыдан-туры этабыннан тыш, өстәмә рәвештә проектларны скайп аша онлайн-яклау кертелде. Жюри әгъзалары 3D–принтерда – «Болгар декоратив панносы», «Акыллы истәлекле урыннары», «Универсиада Авылы», «SILVAN» урман янгыннарын ачыклау өчен пилотсыз очу аппаратын карадылар.
"ВЗДумай" ачык конкурсы ел саен үткәрелә һәм яшьләрнең интеллектуаль һәм иҗади сәләтләрен үстерүгә юнәлдерелгән федераль чаралар исемлегенә керә. 2019 елда конкурска 456 гариза бирелгән.
Фото: конкурсны оештыру комитетының матбугат хезмәте