Startup Tour Чаллыда бармак эзләрен контактсыз санау системасы җиңде
Яр Чаллыда "Цифрлы төбәк" Open Innovations Startup Tour кысаларындагы проектларның төбәк конкурсына йомгак ясадылар. Россиядә һәм БДБ илләрендә перспективалы стартаплар эзләү буенча иң зур чара 1-2 апрельдә Югары технологияләр өлкәсендә «ИТ-парк» технопаркында узды.
Ярымфиналга узган 30 проект арасыннан экспертлар өч юнәлеш буенча иң яхшыларын сайлап алды. Мәгълүмати технологияләрдә «Bioscan» ИТ-парк резиденты проекты иң яхшысы булды. Эшләү нигезендә - бармак эзләре буенча идарә итүнең биометрик системасы. "Медицина һәм авыл хуҗалыгында биотехнология" юнәлеше буенча "Робот - ассистирующий хирургия комплексы (шул исәптән балалар хирургиясе)" проекты җиңүче дип табылды. "Индустриаль һәм энергетика технологияләре" трегында «Пятикоординатный 3D принтер» проекты җиңде.
Open Innovations Startup Tour региональ этабында җиңүчеләрнең барысы да Startup Village - Россиядә һәм БДБда иң зур стартап-конференциягә чакыру билетлары алды.
Белешмә:
Open Innovations Startup Tour - Россиядә һәм БДБ илләрендә технологик эшкуарлык мәдәниятен таратуга һәм перспективалы инновацион проектларны ачыклауга юнәлдерелгән иң масштаблы проект. 8 ел эчендә ул 70тән артык шәһәрдә булды, экспертлар конкурска бирелгән 15 меңнән артык гаризаны карады. Road show төп максаты — җирле инвестицион бергәлекләр, технопарклар һәм венчур бизнесы үсешен стимуллаштыру аша илдә технологик эшкуарлыкны үстерү. Оештыручылар — «Сколково» Фонды һәм «Сколково форумы» коммерцияле булмаган автоном оешмасы.
Фото: Яр Чаллыда ИТ-парк матбугат хезмәте