Цифрлы эфир телевидениесен хәтта автомобильдә дә карарга була
Бушлай 20 цифрлы эфир телеканалын өйдә һәм дачада гына түгел, хәрәкәттә дә карап була. Бүген базарда автомобильдә цифрлы телевидение кабул итү өчен приставканың 18 моделе бар. Тотрыклы телесигналны 80 км/сәгать тизлеккә кадәр кабул итәргә мөмкин.
Россия телевидение һәм радиотапшырулар челтәре Мәскәүдә автомобильдә цифрлы телесигналны кабул итүне уңышлы сынап карады. Карау өчен DVB-Т2 стандартын тотучы телекабул иткеч һәм дециметрлы антенна кирәк булачак. Телеприемник урынына хәрәкәтчән кабул итү өчен DVB-T2 алкушаткычы белән комплектта теләсә кайсы сыекокристаллик монитор кулланырга мөмкин. Автомобильдәге телевидениегә пассажирлар, таксистлар, ерак арага йөрүче шоферлар, бөкегә эләккән машина йөртүчеләр арасында ихтыяҗ булырга мөмкин.
Цифрлы телевидениене кабул итү өчен җиһазларны су һәм һава транспортында да кушарга мөмкин. Күчмә кабул итүнең мөһим үзенчәлеге бар: бер телебагананы колачлау зонасыннан чыкканда һәм икенчесен колачлау зонасына керткәндә телеканалларны яңадан төзергә кирәк. Бер телебаганадан, мәсәлән, бер шәһәр чикләрендә трансляция радиусында күчкәндә цифрлы сигнал кабул итү уңайлырак.
Фото: pexels.com